أحسك نبض ... ومن تبعد
الموت يناديني
وأحسك سحاب والله من تمر
تسقيني
وأحسك عمر
فيك توقف سنيني
وأحسك دم ومن أشتاق لك
أقطع شراييني
خل يسيل دمي
الموت فيك مو خسارة
ياروحي وش بقى
أنت ناسي إن الدمع أخذ عيني
قالوا غاب؟
أضحك وأقول
لا
أنا مالي غيره
أبد ما يخليني
شلون يغيب وأنا وياه مثل طفل وأمه
إن صاح قال يا يمه ضميني
وأحسك
وأحسك
قمر تطلع من بين الغيوم
تضويني
من غيرك أسهر مع طيفه
ومن غيرك يسليني
يا عزوتي بليلك عدي النجوم
بكثرها حبي لك
وإن تعبتي
أرجوك أرجوك
عديني
نجم ما أغاب ... أحرسك يا قمر
لك العين سرير واغطيك بجفوني
وأحسك
وأحسك
شمس نهاري يا زينك يوم تكويني
خل يقولون مجنون فيك
يوم أشوف الضحكة بوجهك تناديني
ليت الناس كلها تعاديني
.
لكن
إن غبت ساعة
تذبل الروح ويزيد حنيني
هو الحب قدر؟
وإلا جابته يميني
وأبتسم ثانيه
وأسمع همسك
أثريك من جد من جد ساكن فيني
وسأبقى مالي غيرك
|