ليت العمر ملكي واعطيك باقي ايامي
واخذ الموت عنك واتلذذ بسكراته
احسن ما اعيش بعدك بحزن والامي
لاشك عمري بدونك ماتكمل مسراته
عشنا سوى الاثنين شهور واعوامي
وكنت افضل ام لولدها تدمح معاناته
لا اب ولا اخوا ولااخوال واعمامي
لوحدك زرعتي لي العمر بكل خطواته
كنتي غاليه بين ربعك وللطيبه وسامي
كل تحسف من افراقك ولاعته حسراته
وشلون عين تصل الدمع تهنا بالمنامي
وشلون يسلا خاطر تجدد ذكرياته
يمه انا لك بالحيل عطشان ظامي
مايرويني الا حنانك بين الاظلاع طياته
والله ماالقى بديلك بشرق وشامي
يابهجة الروح انتي لقلبي هناته
جاني خبرها وارتجف جسمي بكامل عظامي
ياليتني كنت من دونها للموت ارد نزعاته
اخفيت حزني ودمعي بوسط الزحامي
محد درى بخافق تخنقه عبراته
كن الخبر يوم جاني سيف دامي
موجه صوب الحشا يزيد طعناته
ياونتي ونة حمامة صابها الرامي
بوسط الجناحين ولاماتت بطلقاته
حزني وشوقي للغاليه بالدوامي
وللعين دمع تهله على خدي علاماته
ويلاه يايمه بعدك الدنيا ظلامي
ماتنورها شموس ولا بدر بطلعاته
انتي عزيزة نفس وسيده بالمقامي
كل شهد لك واثنى بطيبك في شهاداته
برثيك لكن يعجز الشعر وكل الكلامي
ويعجز الشاعر ولو هو طول ابياته
|