رعشة باب




من دق .. بابي الخشب .. ؟
بابي العتيق ..
اللي .. على جال الطريق ..
جبين بيت الطين ..
اللي .. انبني ..
قبل السنين ..
قبل الظلام .. يسكن فـ بيت الليل ..
والوادي .. قبل يصير .. درب السيل ..
وبابي العتيق .. اللي على جال الطريق ..
دقة عدو .. والا رفيق .. ؟



الله .. بصير ..
فرشي .. وسقفي .. من حصير ..
واللي يتنكر .. وش يصير .. ؟
الليل .. لا حدب .. نعش ..
والريح .. لا هبت .. نعش ..
قلبي ارتعش ..
برد وألم ..
جوع وعطش ..

أنا ..
حاضر .. وقف على متون الماضي ..
سيل سقى .. صم الحجار وفاضي ..
ولا جذو .. عذوق النخل ..
خذيت مقسومي ..
واذا .. تقافانا المحل ..
تتبدد حلومي ..
والراس .. فـ همومي ..
بابي العتيق .. اللي على جال الطريق ..
خلفه .. عدو .. ؟
والا رفيق .. ؟