فكي اللـثام وبيني واهج النور
خلي العيون تشوف روعة جمالك

باملا النظر دام النظرفيك مبهور
باروي عيونٍ ميته في وصالك

ودي اشوف السحــر بعيونك الحور
سود النواعس ذابحه من عنالك

فــيك الحسن مشهور مشهور مشهور
خلـــقك ربـــي سـكةٍ للمهالك

جيتك وانا كلــي وله كنه بحور
لك مرخصً عمــري .. وكله فـدالك

الشوق في قلبي لـه ايام وشهور
لـه داخل الخفاق . درب ومسالك

والدمع من عيني على الخد منثور
مشتاق لك بالحيل ... عاشق وهالك

ياللي دروبك كلـها حـب وزهور
لك في حياتي كلــمةٍ قلتها لك

لك داخل الخفاق مبني لك قصور
قصور حــبٍ شــيدت كلــها لك

والحين غطي وجهك اللي من النور
ما اريد غيري يشوف روعة جمالك


كلمات / مسعد المطيري