(( 5 ))

حــايل بنت الخيال

الشاعر : مساعد الرشيدي


سلام يا حايل حبيبة طي .. بنت الخيـال

الليلة انتي سيدة حرفي وانـا شاعـرك

قالوا انك ما كبرتي يا عروس الشمـال

باقي عروس .. ويلمع البرّاق بآساورك

لا .. لا تقولي شيّ عن سر البها والدلال

إنتي خطاك الغيم حيّـي وانـا عـاذرك

الله عليك ليا تواضعتـي وقلتـي تعـال

والله على هيبة غرورك نوب ومكابـرك

المسعد اللي كل ما ريّع عليـك الظـلال

لمّ البختري والنفل والشيح عن صابرك

ما ادري حرام الموت بين يديك ولاّ حلال

لكني ادري ليه انا أحبـك ولا أشـاورك

يا مرتع التاريخ لا عدّت فعول الرجـال

المجد من ما ضيك مسراته إلى حاضرك

إنتي ليا جا للكرم طاري وجابوا مجـال

كلّ تمنّى لو يجي مرة علـى خاطـرك

وانا ادري انك فوق كل اللي تقول ويقال

وان النجوم تغار لو ان القمر جـاورك

والشاعر اللي لا كتب بك ما يثير الجدال

الله وامانه يا بعد حيّي مهـو شاعـرك



وسـلامتكــــــم ...