اول مشاركه مني لكم بعد حيي اتمنى تعجبكم !!!
انثنى وجه الغروب ولوّح الليـل الأخيـر
وارقدت كل العيون ولابقـا غيـري أنـا
أسهر الظلما غريبٍ ساكن بوجه الضرير
أسكنت سود الليالي وجهي أضنـاه العنـا
غادي بلا راي أمشي لارفيق ولامصيـر
أتعب الليل انتظاري وانكسر خـط الهنـا
علميهم ياعيوني كيف تحريـق الضميـر
لابكيتـي مالقيتـي صاحـبٍ يمـك دنـا
صارت الدنيا أسيرٍ في أسيرٍ فـي أسيـر
كم تمنى وضاع عمره بالتمنـي والمنـى
علميهم لانكسر رجال شامخ وش يصيـر
ينتهي من هالوجود وينهـدم كـل مابنـا
علميهم لوسهرتي وانحنى الجفن الكسيـر
من هو غير الله يعين ومن هو غيرالله لنا
علميهم والبنفسج لا احتضر مات العبيـر
يقفي الشوق ويوّلي في همومـه وانثنـى
علميهـم ياعيونـي مابقـى حـظٍ كبيـر
دامني ساهر وعيّا يظهر لصبحـي سنـا
عايش بغربة كياني فاقـد الشـي الكثيـر
مثل ذاك اللي غريـبٍ لاخـوي ولاضنـا
ويش أسوي ياعيوني ياجفا الليل الأخيـر
مابقى غير الاماني والشقا وانتـي وأنـا
قصيدة الشاعر: حمود جلوي