قلبي تحيّر في المحبة دليله

شوقه تعدّى كل وصف(ن) وحدّي

كلما نصحته في الهوى زاد ميله

لا عاد نصحي يفيد أو صار يجدي

لي من رماني برمش عين (ن) نجيلة

فتانة(ن) فيها جمال و تحدّي

يا من تحكّم في حياتي وهو إله

اهواه ولو إنه بها مستبدّي

وزنه بخافي الروح يكبر وأشيله

حتى هوا الميزان من ثقل ودّي

لي شمّة أنفاس(ن) نسايم يدي له

عافت زهور الروض صوبه تردّي

ياليتني غيمت(ن) فوقه ظليلة

أو وردة(ن) أسقيه من بعض شهدي

إن غاب تمضي الليالي طوويلة

اليوم في لقياه لحظة يعدّي

لي من تبسّم يشعل بقلبي شعيله

وإن خزّني بالعين حضّرت لحدي

حسنه فريد ونادر(ن) من مثيله

لي بان قطّعنا لرؤياه الأيدي

شفقان و فريواه عيني هميله

وأصيح بالأشواق خفّي و هدّي

من دون شوفه عيشتي و الله مستحيلة

وأخاف قلبي وياه و يصير ضدي

>>>> لك يا بعد حيي

فاصلة بيضاء