يسلموووووو هايدي على الموضووع التوووحفه صراااحه ,\
\
أهم وأكبر حدث أثر فيني << رغم اني كنت صغيره وقتها بالأبتدائي

بالنسبه لي أعتبر حدث ( غزو الكويت ) في أغسطس آب << كنا بعطله ومددوا الأجازه على ما أذكر بس حنا رجعنا بدري من السفراستدعوا بالوالد يرابط

بس والله تفاعلت مع الأحداث في ذيك الفتره خصوصآ لما جونا الكويتيين وسكنوا في بيت عندنا بالحاره

وجوا بنات كويتات درسوا عندنا بالمدرسه

وأذكر ايام استلامات (الوالد ) ماكنا نشوووفه الابالصدفه يجي دقايق يبدل ويرجع يرااابط

وحنا متسمرين قدام التلفزيون وجالسين بغرفه ملزقين درايشها على شكل x

وكله كووووم والكمامات كوووم وزعوها عشان الكيماوي<؛<يوم جابها لنا ابوي خفنا نحسب اننا خلااص بنموت

وربي احداث عشناها وحنا صغار مستحيل تنسى وعرفنا أشياء أكبر من أعمارنا

( غزو + غاز كيماوي + صواريخ سكود وباتريوت + صفارات الأنذار ) عشنا حرب حقيقيه

حتى بالشوارع حطوا مراوش عشان اذا جاء الغاز اللي بالشارع يدخلون فيها ويفتحون الدش ويعدون تحت الماء

والا الأغاني الحماسيه ( هبت هبوب الجنه ) ( نعم نحن الحجاز ونحن نجد ) <<<< كح كح ياقدددددمك طلع معك غبااااار

والا يوم تحررت صدق فرحنا فرحه وربي كن الغزو كان عندنا وحنا اللي تحررنا <<< الله لايعيد ذيك الايام

هذا اللي طلع معي الحين
للحديث بقيه مع أحداث لاتنسى ,,,



ودي {{{ دلوووعه