منتديات بعد حيي - عرض مشاركة واحدة

معرض الوسام · 01-19-2009, 10:05 PM

بذمتك ،، عاد قلبك مثل ما خابر ؟؟
يحسّ فيني ، و يتفاعل مع أخباري ؟؟!!
و إلا نسيت الغرام و حبي الطاهر ؟؟!!
ماعاد لي في خيالك صورة و طاري ؟؟!!

مرّت عليّ ظروف تكدّر الخاطر ،،
فيني درا من درا و أنت ولا داري !!
ما أدري تجاهلتني أو قلبك يكابر ؟؟!!
وإلا شعورك غفى عن فكري الساري ؟؟!!

كل يوم طيفك معي في نظاري حاظر ،،
أشكي له الحال و أكشف له عن أسراري ،،
ما بلغك عن عناي و شوقي الحاير ؟؟!!
أو ما حفظ بيت في مجموعة أشعاري ؟؟!!

محبتك في فؤادي مالها أخر ،،
مهما افترقنا و غبت أنت عن أنظاري ،،
أنت حياتي ، و يومي ، وأمسي ، و باكر ،،
وأنت المطر ، و الشجر ، و الشمس ، و أقماري ،،

شعوري مهما أكتمه في صورتي ظاهر ،،
يغني عن البوح و الشكوى و أعذاري ،،
وإن كنت بالحال منت داري و شاعر ،،
هذي حروفي و هذي أخر أخباري ،،

بذمتك عاد قلبك مثل ماخابر ،، مثل ماخابر ؟؟

>>>> لك يابعد حيي

فاصلة بيضاء