[align=center]يغرقنا معه في بحر الثقه :




يعني ليا مـن رمونـي حقيريـن الجنـاب=صار زولي عشرة ازوال وعيوني "Group"

واحدة من القصائد الجميلة،المؤثرة،التلقائية، العذبة،
انها تجمع كل مفردات الجمال ومعاني الروعــة



أدري ان الجاذبيـة تسـبـب الانسـكـاب=وادري اني منسكب .. وادري ان ايديك كوب


اترككـــــم مع قصيدة الشاعر المرعب / سعد علوش




بري حالي لا انتهى العصـر وأعلـن الانسحـاب=خلّـت الشمـس الصـداره ومالـت للـغـروب

وأذن المغـرب وسـاد الفضـا مثـل الضبـاب=وانتهى .. والليـل لبـس الاماكـن لبـس ثـوب

وردت همومـي علـى قلبـي الصلـب الخـراب=ودرت حيـام الضوامـي علـى عـدٍ جــذوب

كلهـا هانـت ولا هنـت يـا هــام الغـيـاب=من محبـة صاحبـك صـرت يأهـم امحبـوب

إخذ ليلك باولـه واكـل واشـرب فـي رحـاب=قلـب مـن شـدة طهارتـه تجـفـاه الـذنـوب

إيـه و الدنيـا مساكـن ورحـلـه و اغـتـراب=و الغـلا فـي الوقـت هـذا مميّـز بالعـيـوب

أشمل بجسمـي واعـدي علـى روس الهضـاب=كـل ماضيّعـت وجهـي دريـت إنـه جنـوب

ويـش أسـوي فيـك يـا عـم تلعـات القـاب=وأنت واقـع و التمعّـان فـي عيونـك هـروب

أنت "مجرم حب" ... لا ... ويش جاب لويش جاب=أنت عذبٍ .. عـذّب رجيلـي بشـوك الـدروب

صرت اهاب من التزاحـم وانـا ماكنـت اهـاب=وأمشي بكيفي لو إنـي علـى المشـي أمغصـوب

صرت اجمع مـن جروحـك وكلماتـك عتـاب=وقبل اقـول شفيـك تجرنـي استغفـر واتـوب

صرت احسب الناس ما كنت احسب لهـا حسـاب=وصرت أكذب لأجل ترضى وانا مانـي كـذوب

شـوف مهمـا صـار بـي إنحنانـي إنتصـاب=إلعـب بعمـري وبعثـره بايـديـك ياللـعـوب

أدري ان الجاذبـيـة تـسـبـب الانـسـكـاب=وادري اني منسكـب .. وادري ان ايديـك كـوب

سلت فـارضك و ارتوت بي ... وفاضتني عذاب=ليـن حبتنـي قلـوب وتعـادت لــي قـلـوب

فـاعرف ان زولي غدير .. وحكاياهـم سـراب=والمقاديـر الايـادي وشيـن الـحـظ طــوب

يعنـي ليـا مـن رمونـي حقيريـن الجـنـاب=صار زولـي عشـرة ازوال وعيونـي "Group"

اتعـدد لأجـل اداريـك عـن طيـش الشـبـاب=وآتوجـد ليـن يطغـى علـى وجهـي شحـوب

مانـي استاهـل كـذا منـك ياوجـه السـحـاب=لا تبللنـي وانـا ودي انـك مــاءٍ شــروب

إيتني .. وادخـل بقلبـي ياقلبـي .. بـاب بـاب=واخطر عروقي برجليـك يـا اسمـر دوب دوب

جـل مـن ولـى عـروقـي بقنيـنـة تــراب=نوب تضحك مـن عذابـي وتبكـي منـه نـوب

لـو لـي دعـوه وحيـده ... ودعـوه تستجـاب=قلـت : ياربـي ليـا مـر .. خالفـه الهـبـوب

زوي قلبي كل مـا أزويـت خصـرك بانسيـاب=وقـف العالـم يـرد البحـر مـن كـل صـوب

يـا خلاصـة شهـد وعـذوق مـا لـذ وطـاب=يـا مغلبنـي وانـا مابعـد صـرت امغـلـوب

يـا مسفّرنـي لوجهـك ذهـاب بــلا ايــاب=يامعـزز بالـغـلا يامـقـدر يــا محـسـوب

إيتني واذهـب بـي بعيـد .. يـا مـال الذهـاب=ضمّني بايديـك أبجمـد علـى صـدرك و اروب

انـت لـو ضميـت تمثـال مـن ضمّتـك ذاب=كيف لو ضميت صـدرٍ علـى ذكـرك يـذوب؟؟



ســعـــد عـــلـــوش







[/align]