الشاعر/ هاشم الرفاعي
[poem=font=",5,white,bold,italic" bkcolor="black" bkimage="" border="outset,10,white" type=1 line=0 align=center use=ex num="0,black""]
إن كان تحسب عزتي تحت أياديـك=علم غـرورك عزتـي مالهـا حـد
وإن كنت بايعني وأنا قبل شاريـك=اليوم أبيعك وأقطع الوصل وأصـد
لاتنخدع في كلمتـي ياهـلا فيـك=ولاتنخدع لـو قلـت حبـك تجـدد
أول ترى بالهجـر مانـي بناويـك=مستبعد إنك تنكـر الحـب والـود
لين إنكشف قصدك وبانت مواريـك=طعنتني والغدر من صوبـك إشتـد
كم قلت لك مليون مره ترى أفديـك=لكن حسافـه غلطتـك دوم تجحـد
وكم قلت لك إحذر من إني أجافيـك=لاتزيد غلطاتك ترى الحـال منهـد
لاكـن هـذا إنـت طبعـك يوديـك=إنت الخيانه والغـدر فيـك مولـد
تقدر تجيب القمـر تحـت رجليـك=وتقدر تحط الشمس على راحة اليد
وتقدر تذل قلـوب نفـس تداريـك=وتقدر تجيب من الحجر مويت الورد
لاكن لوجيتني مع أولـك وتاليـك=مع القمر والشمس مع مويت الورد
ماتهز شعره في قلب من يحاكيـك=عند الكرامه كـل شـئ ولـه حـد
عند الكرامه نمشي بدرب المهاليـك=نارد حيـاظ المـوت لاكـم لاعـد
من قبل حبك فوق عرش المماليـك=واليوم حبك تحـت رجلـي تمـدد
روح في دربك عسـى الله يهديـك=سافر ترى مثلك خساره بـه الـود
وأنا بعد هاليوم ويـش أبـي فيـك=بدور اللي يحفظ الحـب مـن جـد
واليوم أنا يادفتري جيـت أعزيـك=زمان ماشفتـك ياقصيـدي توجـد
هات القلم أبغاك تشكيلي وأشكيـك=إنت الخوي وخابرك ماتبيح السـد
أبيك تقول لكـل مغـرور يجافيـك=-|علم غرورك عزتـي مالهاحـد|- [/poem]وسلامتكم