1ـ السلام عليكم ورحمة الله وبركاته ؟

وعليكم السلام ورحمة الله وبركاتة
حياكم الله


2ـ عرفينا عن نفسكـ وخاصه في الطبخ .. !؟

الحمد لله طباخة نمّبر ون


3ـ تحبين الطبخ او لا؟

أكـــــــــــــــــــــــــــيـد

4ـ وجبتكـ المفضله ..؟

كل شيء أطبخه أحبه

5ـ طبق تحبين تسوينه كثير ..؟

صينية بطاطس باللحم<<طبعاً بالفرن


6ـ الطبخات اللي تسوينها معدودة ولا كثير وماتنعد ..؟

كــــــــــــــــــــــــــثيرة


7ـ اول مرة دخلت المطبخ كم كان عمرك لو تذكرين..؟

في مرحلة المتوسطة


8 ـ اول طبخه طبختيها ايش هي ..؟

الكبسة


9ـ طبخه طبختيها وفشلتي فيها ايش كان شعوركـ وقتها والكل منتظر تخلصين ..؟

الحمد لله مافشلت بشيء<<يمكن على شان أحب الطبخ

10ـ طبخه طبختيها والكل مدحكـ ؟

كل طبخي يمدحونه


11ـ موقف طريف صار معاكـ في المطبخ ..!؟

مره بطبخ الغداء وكان عندنا عمي وطالب مرقوق من يديني<<<
المهم كنت مجهزه كل شيء فدخلت أطبخ
ولعت الفرن ماولع أحاول يمين يسار ماولع
مع انه كنت توني مصلحه القهوة والشاي
رحت وقلت لأمي قالت شوفي دبة الغاز يمكن فضت
قلت مو معقولة يعني
المهم
طلعلت للحوش أشوف وش السالفه
مالقيت دبةالغاز
أدور من هنا وهناك حتى باقي الدبات مهب فيه
رحت وقلت لأمي قالت وين راااحت
رحت لأخوي
وجاء يدور معاي درنا البيت كله مالقينا شيء
وصلنا عند باب البيت ولقيناه مفتوح
طلع اخوي للشارع وشاف سيارة فيها شباب صغار أعمارهم 14 15 سنه تقريباً يدورون حول بيتنا
المهم شافوا أخوي وينحاشون
طبعاً طلعوا طابين على بيتنا وسرقوا دبات الغاز وفتحوا الباب وطلعوا منه
دور أخوي بالشارع لقى دبات الغاز في زبالة الحارة مخبينها

وربي فطسنا ضحك<<<<هههههه
بس أبشركم صلحت المرقوق


12ـ يعتمد عليكـ في الطبخ او لا ..!؟

أكيد أكيد أكيد<<<بشهادة الجميع


13ـ قوليلنا وصفه لطبخه حلوه كثير تسوينها ..!؟

مكرونة البيتزا<<<يم يم لذيذة

نسلق المكرونه عادي
بعدين نحمس البصل بالزيت ثم نضيف له نقانق أو دجاج مقطع صغار حسب الرغبه
ثم نرش شوية بهار وملح عليه ونضيف له الصلصة
نخلطة مع المكرونه ونحطها بصينية بايركس
نخلط بالخلاط علبة قشطة مع 3 ملاعق جبن سائل
ونصبها على المكرونه
نزين الوجه بقطع صغار من الفلفل الرومي البارد وشرائح الزيتون ونرش عليها جبن مازرولا
وندخله بالفرن شوي
وصحتين وعافيه

14ـ حطيلنا طبخة على ذوقك ؟

دجاج جلي جلي<<<

المقادير

أ) دجاج فيلية مقطع صغار 2 ملعقة نشاء تحل في ثلاث أرباع كأس ماء


ب) بصل مقطع صغار + ثوم مقطع صغار + زنجبيل رطب مبشور
طماطم مقطع صغار+ 2 فلفل حار مقطع صغار + بهارات + فلفل أسود
ملعقة صلصة + 3 ملاعق كاتشب + 2 ملعقة صلصة الصويا

ج) كزبرة خضراء مقطعة صغار


الطريقة

نحمس الدجاج في قليل من الزيت مع التقليب المستمر حتى ينضج
ثم نصب عليه النشاء ويحرك على نار هادئة ويترك قليلاً
يحمس البصل ثم الثوم ثم باقي مقادير ( ب ) على النار حتى تتسبك ثم نضيفها للدجاج وعند التقديم ينثر عليها الكزبرة الخضراء وهي ساخنة
يفضل يكون معها أرز أبيض
وصحتين وعافية

15ـ نصيحه توجهينها لعضوات نافذتنا الحلوة ؟
أدخلوا المطبخ وأطبخوا وأستانسوا ترى الطبخ متعه وفن
ولا تنسون تأكلون من طبخكم



أميرة الذوق
شكرا لك ياكل الذوق





بختار



شباصة أجودية