رتب امورك يافتى الجود بعقــــــل
ووزن كلامك يافتى وخلك فهيـــــم
لاتندفع روحك ورى صوت الطبــــل
ياكم صوت(ن) ساقنا يم الجحيـــم
خلك مع العاقل وجنب كل خبـــــــل
لو كان بعض اللي يقولونه سليــم
ياكم من شخص بالمجالس له ثقل
من زود ثقله ودك يسوي رجيــــم
وليا حكى اصغر من افكار الطفل
لو بس يسولفلك تعرف انه غشيم
مربوطة (ن) رجله وايده بالقفل
هذاك من شوره بيدين الحريــــم
ياحيف هذا ينعتونه بالرجـــــل
ياليت ابوه صمل(ن) والا عقيـــــم