منتديات بعد حيي - عرض مشاركة واحدة

03-23-2009, 02:58 PM

تستاهل الغاليه كل خير ..
و الله إنها فعلاً شمعة المنتدى ^^
<< تضم صوتها للأخ هلال ^^"

***

كان بودي قراءة الموضوع الأساسي لأرد عليه ..
ثم أتطرق لباقي الردود ..
لكن حصل خير ^^"
فـ راح أتكلم عن الفكره المطروحه بالإجمال ..
و من وجهة نظري الشخصيه البحته ..

أخوي طرواده أعتقد إنك تقصد الردود المحبطه أو قلتها أحياناً ..
أنا معك و ملاحظه هالظاهره ..
لكن هي مو مقصوره على هذا المنتدى فقط ..
بالنسبه لي انا و من تجربتي بالمنتديات ..
كان بعد حيي هو أول منتدى أسجل فيه رسمي ..
و أصلاً ما فكرت انشئ إيميل إلا عشان هالغرض بالذات ..
لكن شاركت بمنتدى آخر ..
له الفضل بعد الله ثم بعد حيي بتقويمي فعلاً ..
و يمكن أي أحد يطلع على مشاركاتي من البدايه ..
بعمري ما أكتفيت بشكراً يعطيك العافيه ..
أنا ما أتكلم بدافع غرور أو شوفة حال ..
لكن هذا الواقع ..
و فيه ناس كثيره هنا تتبع هالأسلوب ..
اللي هو الرد المحدث بخلاف النسخ و اللصق ..

***

اما بالنسبه لوجود النقاش بقسم واحد متخصص ..
هذا أكبر خطأ من وجهة نظري ..
لأنه كل موضوع عباره عن نقاش ..
أنت تطرح أفكارك و ارآئك الشخصيه ..
يعني ضروري يكون فيه اختلاف بوجهات النظر ..
و ضروري يكون فيه نقاش ..
يعني المفروض المناقشه ما تتقيد بقسم واحد ..
لأنك انت كـ عضو متواجد بكل مكان آخر ..
و تنقل أفكارك و معتقداتك و تبث رأيك بكل مكان ..
و النقاش عمره ما كان مقصور على قسم أو موضوع واحد !!!!!!!!!!

***

نقطه أخرى ..
و هي اسباب الردود المحبطه ..
بصراحه من سجلت قبل كم شهر ..
و انا اقلب الموضوع براسي ..
و ما لقيت سبب مقنع و يرضيني أو يتقبله عقلي ..
لكن لي تحفظ شخصي هنا ..
على أيقونات الشكر اللي موجوده بمربع الرد السريع ..
يعني بسمله و سلام مفروغ من امرهم ..
لكن الشكر نهائياً مو مبرر وجوده ..
ووالله أشوف النسخ و اللصق أرحم من ضغطة زر الشكر !!!!
أدري تجاوزات كبيره صدرت مني تجاه هالصرح ..
لكن يشهد الله إنها من غيرتي عليه ..
و أبي الأفضل له دائماً ..
لكن وجود الأيقونه مسبب لي أرق ^^"
و بالنسبه لي ..
و الله تجيني حالات أعند و ما ارد على اللي يستخدمها ..
و ما دامك مو مكلف على نفسك تقرا لي ..
أو حتى تشكرني بحرفين انت كاتبهم ..
هذي تغريني اني اعامله بالمثل و أطنش !! ^^"

***

نرجع للنماذج المشرفه و الراقيه و المبدعه ..
و اللي وجودي معهم مكسب لي بصراحه ..
و والله ما ينعدون عالأصابع لأنهم أكثر بكثيييير هنا ..
و يشهد ربي علي إني احياناً انحرج ما أدري وش أرد فيه عليهم ..
ثقافه و أخلاق و أسلوب و ملكات فكريه إبداعيه ما شاء الله عليهم ..
ما راح احدد أسماء لأنهم هم عارفين انفسهم و هم كثيييير ..
تقريباً الغالبيه العظمى من الأعضاء و المشرفين و المراقبين ..
و اكيد ما ننسى أخونا الكبير الـ ساري ..
و اللي يمكن له الفضل بعد الله ..
بظهور هذا المكان بالصورة اللي هو عليها الحين ..
أدري بتقولون منتداها و اكيد بتمدح فيه و في أعضاؤه ..
لكن انا مو مستفيده شي من هالمدح !!!!
و ما قلته إلا إنه واقع و حقيقه ..
و الساكت عن الحق شيطان أخرس ..

***

كل العذر منك اخوي على إطالتي و إسهابي بالرد ..
لكنها نقاط كثيره احببت أن أعلق عليها ..
رغم اختصاري للكثير منها ^^"

و لي عوده بعد إذنك للإطلاع على الآراء ^^