|
لبى العيون اللي شكت وحشة الليل
لبى العيون اللي شكت وحشة الليل
لبيـه ياصـوتٍ حزيـنٍٍ دعانـي
قمة رسول الوجد يا مدعـي ويـل
صوتك ذبح حسي وزلزل كيانـي
أرجفت ذاتـي ياحسيـن التعاليـل
وشفت الحزن بشموع ليلي غشاني
إرحم هدب سودٍ بعينـك مضاليـل
لا تظلمـه ياسيـد كـل الغوانـي
لاتتعب عيونـك بمسـح المناديـل
اللي بـلاك اليـوم قبلـك بلانـي
قلبي كما قلبك عجز حملـه يشيـل
أيام حزنه00 والفرح لـه ثوانـي
وسط المحاني جر حزن المواويـل
يسري بي لذكرى بغابـر زمانـي
ذكرتني باللي كمـا نجمـة سهيـل
كريم في ذكراه 00لكـن كوانـي
بيني وبينه صك بـاب المراسيـل
ظروف وقته وادري إنـه يعانـي
تبقى هواجيسي على قرًح الخيـل
يمكن بحلـم الليـل خلـي لفانـي
وراحت حياتي كل ابوها غرابيـل
ناسٍ تهدم اللي مـن سنيـن بانـي
ولبى العيون اللي شكت وحشة الليل
لبيـه ياقلـبٍ شكتـه المحـانـي
سعود القحطاني
|