عنيزة أغلى من الغلا وكل الغلا باهله سكن
ياحظ منهو به سكن واحظنته ابحب وغلا
نوله عليها من الولاء ونبكي عليها من الشجن
ليت الليالي لو يجن ابكيف من عنده ولا
يصبح على رمل الخلا بين الغضا وتحت المزون
ويمسي بلا غم وحزن والبال من همه خلا
لضيوفه اتغنى هلا باعذب شعر وطرب لحن
فيها الكرم ببلا ثمن وشعار اهلها ياهلا
زادت غلا وحسن وحلا ولعيالها دايم تحن
ورجالها لو تمتحن تلقاهم بمر وحلا
محدن من عياله سلا مهما ابتعد لجله يئن
أم وفيه ماتضن إن الضنى عنها سلا
من صغره تروم العلا وتسابق آفاق الزمن
واجبالها عبر الزمن ماترضى الا بالعلا
كل السعودية غلا أغلى أهل وأغلى وطن
وعنيزة بعقد الوطن درة تلامع بالغلا