منتديات بعد حيي - عرض مشاركة واحدة

معرض الوسام · 04-12-2009, 02:21 AM

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,4," type=2 line=0 align=center use=ex num="0,black""]

ان كان مجـنـون الهوى بالعرب قـيـس=انـا غـديـت بـنـظم الاشـعـار مجـنـون
خالفت باشـعاري شروط ومـقـايــيـس=وبدعـت لي بالـقـاف مـنـهـج وقانـون
وحطـيت لأشعاري دروع ومـتاريـس=وركـبـت لـحـروفـه فـلاتـر وسـيـفون
ومنـعت من يدخل عليها الـتـجـانـيـس=وخـلـيـتها بـبـحــور مـقـحــم وسـعــدون
الشعر وزن وقـاف من دور بلـقـيـس=ومن دونهـن يـبـقـى سواليف وظـنـون
وغبون قلب وحـوس بال واحـاسيس=والـنـثـر مـاهـو شـعــر مـهـمـا تقـولون
احـيـيـت مـنـهـاج الـفـحـول الدواريس=وشعر الفرزدق بالعرب وابـن خلدون
يوم العرب من فـوق حـمر العراميـس=وايـامـهـم حـــرب ومجــاعـات وغـبـون
تـاتي حـروفي مـثـل روس الـدبابـيـس=ومـعـنـاه عن سقط الشواعير مصيـون
مـثـل الـذهـب صـافـي بـلـيـا لـواليـس=لو مانـفـخـت رويـحـتـي تـقـل بـالـون
يودع هل الكشخـات مثل المضـاريس=اللي قـصـايـدهـم غـدت طـق جـالون
يطلع يـبـي عـن نـقـرة الـغـيـظ تنـفـيس=ولو ماطـلع يـقـبـس على الكبد قولون
اشـعـارنـا مـابــه خـطـوط ومـقـاويـس=ومـخـزن جـواهرها مثل خزن قارون
تشرب على جاري قـصيد السناعـيس=واشعار حـايل جوهرة خـالـق الكون
مـيــراث نــاسٍ لـلـمــراجــل مـقـابـيــس=تـتـبــع قــوافـيـهــم مـظــاهـيــر وظـعـون
عند الـنـدى تحـرق جـنوب المحـاميـس=وعند العدى فوق الـمـعاديـن طاعون
ماهي هـروج فـي بـيـاض الـقـراطيـس=لـكـن حقايق طيب وابـلـــيـس مـلـعون
مايـدفــن الـتــاريــخ كـذب الـنواديس=وش عـاد لـو يـركـض بها كل ملسون
والـفـقـر مايـدفـن حضات الـنـواميـس=يامـا شـبـعـنــا يــوم الانــذال يـرغــون
وياما كـسـيـنــا من نـفــوس مـهـالـيـس=ويـاما ضـحـكـنــا والاوالـيــد يـبـكــون
وياما رقـيـنــا الجــال مـثــل الـقـرانـيـس=والناس في رمضاء اللواهيب يـمـشون
وياما عـطينا الـمـال خـلـف الكواليس=لو مانـشـرنـاهــا بـصـفـحــات ميـسـون
اصـل الـنـدى حـنــا كــرام الـمـغاريس=والاصل ماهـو صورة تـحـت كـربون
تـنـبـع الـيـا كـثـرت عـلـي الـهواجـيـس=هـجـس رمـانـي ناحـل تقـل عـرجون
لا لاح نـور الـنـجـم مـثـل الـفـوانـيـس=ونـومـي غدى دونــه مـقـافـل وكـيلون
اسوق روحي صوب حـمر الطعاميس =والـكـبــد كــنــــه جـمـرة فـوق غـلـيــون
يـازيـن مـقـعــادي بـذيـك الـنـسـانـيـس=في ديــرة مـن بـاعــهـــا بــات مـغــبــون
مـانـا بحـاجـة غـرفــة وسـط رمـسـيـس=اكـتـب لـو انـي بـيـن مـقـعـد وطـبلون
تطـفــي عـن الخـفــاق نـار الحـواسـيـس=الـلــي غــدى بـغـبـون الايـام مسجون
مااجـيـبـها من وسط سـوق الـمفاليـس=مع عـالـم من سـوق الاشعار يشـرون
ولا رحت اسوم الشعر وسط الدواعيس=ولاسـقــت للـسمـسار مـبـلـغ وعـربـون
وصـار الـقـصـيـد لـواحـدٍ يـنـثر الكيـس=والـشـيـخ والـشـيـخـه ومن كان مزيون
او واحـدٍ عـنـده شـاهـدات من نـيـس=ووسط الجـرايـد كـاشـرٍ تـقــل ضربون
وحـنـا نـمـيـز شـعـر شـاكـر وعـتـريـس=ونـفـهـم قـصــيـد اللي بالامـوال مدفـون
لـو مـازرعــنـــا لـه عـيـون وجــواسيـس=والا سـمـــعــنـــا من وكـــالـة يـقـــولــون
كـلـه لاجــل يـطـلـع بـزيـــن الـمــلابـيـس=يـنذخ على الشاشات والوجـه مدهون
بـلـشـان فـي كـثـر الـفـلـوس الـمكاديس=وفي سهـرته يصرف على الرقـص مليون
والـشـعـر مـاهـو طــق طبـل ومراويس=ولا نـذخــــة قــدام راقـــص وجــرسـون
الشعر ملك اهل الحـظـوظ الـمـعـاميس=اللي عشاء بـيــتــه عـلـى قـسـط صابون
والا انـت خـلـك تحـت طـق النواقـيس=وخـلـك عـلــى يـاراكـبٍ فــوق كــرتـون
وارقص بجنب ام الـعـيــون الـنـواعـيــس=لو ماتـجـيــب لـحـفــلــه الـعـــرس مـاذون
وتلقى الذي يـفـتـيـك فـي شـرعـة ابليـس=مادام شـيـكـه فـي مـخــابـيــــه مـضــمــون
راكــــب ونــــازل والـمـــســمـــى مـــعــاريـس=ياحـيــف يـابـنـــت غــدت تـقـل حـرذون
ولو تـسـمــع اشـعـاري تجـيك الكوابـيـس=وتشكـي لـهـيـب الشـمـس في بـرد كانون
تـسـمــع قـصــيــدٍ لــه قــواعـــد وتـاسـيـس=من جــوهــر فـي ضـامـر الـصدر مخزون
تحـتــاج عـنــدي عـشــرة اعـوام تدريـس=من شان تـقــدر تـنـطــق البيـت موزون
وقــصــايــدك خـلـــه بـشبــك الجــوامـيـس=وارجوك صك افـمـك بـلـزقــة شطـرطـون [/poem]