قصيدهـ اعجبتنى وحبيت ان انقلها لكمـ




[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="1,white""]
نشا من غرام القيل بالقلـب هاجـس=وبـدولاب فكـر للقوافـي معـايـس
غرايـب بيـوت مضمنـات نفيسـه=مـن انـواع در غاليـات نفـايـس
فيا كاتبي قـم هـات مصقولـة بهـا=ترقـص لفكـري زاهيـات العرايـس
قـرايـض انـغـام جـيـاد لكنـهـا=فواريز موجـات البحـور الخرامـس
فانا الماهر البطـار والشاعـر الـذي=تطيـع القوافـي لـه بليـا تلامـس
اصفى حليـات القوافـي مـن النبـا=بشبـر طويـل للتفانـيـن لامــس
صفا لي بها عرف كما انـي بنطقهـا=مهذب المقول فاصـح غيـر خـارس
وفكـر بمعنـاهـا بعـيـد مرامـهـا=وعصر بها لـي مـن جديـد ودارس
ولانيـب ارد الـراس الا لمـن عـدا=يجيبه على ماهـوب للفهـم طامـس
فما كل من ينفخ على الكيـر صانـع=ولا كل من يركب على الخيل فـارس
وحلو النبا يسقي ظمـا القلـب مثلمـا=بالامواه يسقى نابت الـزرع رايـس
الـى عـاد مـا للقلـب يـوم منـادم=فله في غريب القيـل خـل موانـس
ان كان قبل اليـوم لـي راحـة بهـا=احـاد بسفـر ناهـيـات الانـافـس
حريص على مرقـى صعيبـات العـلا=بهمـة شجـاع للمـلاقـا معـايـس
ترى ما بعيني عن مرام العـلا عمـا=الى قل عنها شوف مـن لا يمـارس
لها منـزل فـوق السماكيـن نايـف=وثان لها فـي حايـر الفكـر حابـس
وانا لما توكدت الجفـا مـن رفاقتـي=ودبت مـن الدنيـا علينـا النوامـس
تخيرت لي عنهـم بالاوطـان منـزل=وارخصـت غاليهـم ببيـع الدنافـس
وسليت نفسي عـن هواهـم وقربهـم=بقربي كـرام مـا تعـرف الدسايـس
جفوني وعافونـي ونسيـوا جمايلـي=من القل واورونـي وجيـه عوابـس
وياما وثقـت النفـس بحبـال ودهـم=واقنعتهـا مـن زادهـا بالبسـابـس
امضي بهم سهـل ولا بـي جفاسـه=وباللين ما لي من اخوانـي مجانـس
الـى الله ماجـور الليالـي ومكرهـا=ومن لا يجنـه مدهشـات الغوامـس
احسـب اننـي درع حصيـن لحبهـم=وزبن لهم من ضيم سـود النوامـس
فلما عرفت اني علـى الـذل عندهـم=وبيطاوعوا حكـي الوشـاة النوامـس
فلا اظن من يصبر على الهون والردى=ذهين ولـو زولـه للالبـاس تـارس
ومن للغبن يرضى فهو صـار كالـذي=لسـم الافاعـي بالتجاريـب لاحـس
ومن لا يصون النفـس عمـا يدنـس=ويازي لثوب مشـرف العـز لابـس
تهاون بقدر كـل هيـس مـن المـلا=جهـار وكـل لـه بالاقـدام دايــس
الى عاد طير الحر في منـزل الحـدا=وفيه العقاب امسى له الرخـم فـارس
وصار الردي يازي على كـل طيـب=وجارت على صفر السموم الخنافـس
اجل عنك ذي دنيـا غـرور بحلبهـا=على حالهـا ذي كـل نبـه ورايـس
فلا يرتجـى فيهـا المشقـى مرونـه=الى عاد كفه من ثرى المـال يابـس
وعز الفتى فيما حوى مـن حطامهـا=يمينه لو هـو مـن قطـام حساحـس
دنيـاك هـذي لـو لحـي تزخرفـت=ولـو فرشـت ديباجهـا والسنـادس
صيور مـا تـازي ويـازي نعيمهـا=الى حفها حكم الولـي طيـف ناعـس
لي همة مـن فضـل ربـي تصدنـي=عن الزيغ فيهـا وارتكـاب المدانـس
وقلبي على الهجران اقسى من الصفـا=الى اوحيت قول الضيق مع كل حافس
هذا نبا مـن هـو مـن الله يرتجـي=جميله وهو من رحمتـه غيـر آيـس
وصلوا علـى خيـر البرايـا محمـد=عدد ما لعى القمري بحدب الغرايـس [/poem]


الشاعر / حميدان الشويعر