[poem=font="simplified arabic,5,black,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
نبدا هنا.. نحكي حكاية بنت في عمر الزهور=حلوه , رقيقه .. تحترق بالدمع لو تسمع هواش
تغيب .. يوقف عقرب الساعه , واذا طلّت يدور=يعني إنتظارك فالنهايه غير قابل للنقاش
في أي حفل تكون به هالبنت .. شف شكل الحضور=تصبح ملامحهم .. ترقب , خوف , رهبه , إندهاش
تضحك لذيك .. وتبتدي هذي من (الغيره) تثور=متواضعه .. تنسى إنها الأولى .. يذكّرها الفلاش
أنفاسها لاسولفت .. أحلى دعايه للعطور=فعيونها قصة رجل من جا على الدنيا وعاش
لاجت تنام .. أحلامها فوق السرير تصف بالدور=وتصيح فيهم : يايجيني حلم مثلي .. يابلاش
نامت وحلمْت بـانها ورده .. يميّلها الغرور=وكل مايميّلها الغرور تزيد نشوه , وإنتعاش
وجات أمها تهزها : قومي ياماما ( نور .. نور )=وبدت تفكّ عيونها بشويش .. ويطير الفراش[/poem]