كثر المواصل بالهوى ماهو بزين
ودك بخلك بين مده ومده
لن البني ادم ماترك طبعه الشين
لاحب له شي وشبع منه هده
لكن لا منه جاك من حين لي حين
قدرت جياته وقدرت صده
وان قلت ابيك وقال ماهوب ذلحين
لاتضايقه يمكن ظروفه تحده
اصبر عليه ايام وشهور وسنين
ان كانه يودك وكانك توده
خلك لمنه اعطاك ماتطلبه دين
ماجاك منه اخذه ومارد رده
ولاتسوي مثل ناسن مساكين
اصلك وفصلك بالهوى لاتعده
العشق مايعرف قبيله ولادين
نكس حكومات وفرق اشده
جوه عقال وراحو مجانين
وكم واحدن خاضه ولاهوب قده
هذا كلامي وانت بتشوف بعدين
والله ان تميز بين مزحه وجده
رأقت لي كثير