05-08-2009, 03:57 AM
|
#1
|
|
بيانات اضافيه [
+
]
|
|
رقم العضوية : 12369
|
|
تاريخ التسجيل : Nov 2008
|
|
أخر زيارة : 05-31-2010 (05:32 AM)
|
|
المشاركات :
2 [
+
] |
|
التقييم : 50
|
|
|
لوني المفضل : Cadetblue
|
|
حدث في الكويت
[SIZE="5"] حدث في الكويت...........كان ودي أشارك بهالموضوع بمنتداي الأول اللي هو فواصل....لولائي لفواصل وأصحابها....بس مدري ليه المنتدى مغلق من فتره.....عالعموم..كل الطرق تؤدي إلى روما.........
أولاً.....لازم أقول إني مو من قبيلة شمر وذلك للحياديه والشفافيه في الموضوع.....ويعلم الله إني صاجه بكل ما أقول.....قبل كم سنه كنت حاظره زواج أخو وحده من رفيجاتي....وهي شمريه....القصه مو بالزواج.....القصه بالطقاقه اللي بالزواج غنت قصيده طلال الرشيد...ياصغير مايكبرني لقب...واللي صار  شي أول مره بحياتي أشوفه بس اللي أقدر أوصفه إن حتى العجايز اللي محرولات صارن جنقر!!!! يلوحن ببواكيرهن وعبيهن تحاذفت للسقف من كثر ماشاشن والصاله بصوت واحد يرددون كلماتها حتى البنات الصغار.....كلهم حافظينها .....وأكثر بيت رددوه الأول والأخير.........شي مذهل....حزتها تمنيت طلال الرشيد يدري باللي سواه بهالقصيده ويشوف شلون هالقصيده دخلت قلوب الصغار قبل الكبار وتحسفت على شبابه وموته اللي تضيق الخلق كثر ماتحسفت على موتت الشيخ فهد الأحمد على بوابة دسمان......وعقب الزواج سألت رفيجتي عن هاقصيده تقول أصلاً هالقصيده صارت النشيد الوطني لشمر...وصار لازم نستفتح فيها زواجاتنا حتى بخيمة الرجاجيل لازم يدحونها........................................... .................رحمك الله ياطلال الرشيد...........كم سنه من توفى ولاني قادره أنساه [/SIZE]
|
|
|
|