|
نصيبي بالهوى حبك......... وصرت لواحد غيري .....
أبارك لك و اودع كل دنيا الحب والأحباب
نصيبي بالهوى حبك وصرت لواحد غيري
أعزي فيك حظي والخفوق اللي من أجلك ذاب
ولاطاع يتبدل فيك ... غيرك يامخاسيري
وأعزي فيك شعر ماقبل غيرك وبعدك شاب
تقل كفك هي اللي تامر حروفي وتعبيري
وأعزي فيك عين كن زولك رمشها ماغاب
وغيرك عنك لوطال القمر ..ماطال تغييري
أحبك حاضر عندي وأحبك لوطواك غياب
وأحبك مثل نفسي ياكسر نفسي وتجبيري
أحبك لاجل حبي لك وقلبي منك مايرتاب
ولا يقبل غلا غيرك .. ولا يقبل معاذيري
أحبك صوت أحبك زول أحبك روح ياجذاب
وأحبك حب أكبر من مدى شعري وتصويري
صحيح إني جريح فراق روحي والجروح أسباب
صحيح إني تعديت الحدود وطال تكديري
وصحيح إن اللهيب بخافقي ياخافقي شباب
وصحيح إني بنفسي ضاع ... تفكيري وتدبيري
بكى لك دمعي الوافي ولا والله عليه اعتاب
وتلاشت يامدى صدق الهوى عندك مشاويري
تفارقنا فراق عيون لكن القلوب أحباب
وتمنيت السعادة لك ولو مع واحد غيري
>>>>> منقول لك يا بعد حيي
فاصلة بيضاء
|