[poem=font="simplified arabic,4,black,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
مغفرة وذنـوب والساعة بلا تُوبَه تدور=السنة صَارتْ سَريعة حِيلْ وأحْسِبْهَا شهر
عِذتْ أنا مِنْ شَرْ خَناسٍ يوسْوسْ بالصدور=ومابكيت إلا لوجه الله في ليلة قدر
تِختصر مَعنى حياتِكْ كيف تبني لِكْ قصور=أحْتِرم رأيك وهذي تُعتبَر وجَهة نظر
زين طيِّب .. دام تِدري إنَّ لِكْ رَبٌ غفور=ليه ماصَلِّيتْ لأجله ومارفعت يدك شكر
حَدث العاقِلْ بمَايُعقَل .. وفي قلبٍ جَسُور=وإنْ أخطيت بحق غيرك روح قدِّم له عـذر
رافِقْ الشخص المِثالي اللَّي لو تخطي يثور=وإن سِمَعت إسْمَعْ مِنْ اللي تِلقى في صَمته "دُرر"
وقبل تِسأل عَنْ حياتي وكِيف وجهي شَع نور=خلْ كلامي لِكْ وصيَّة وخلْ بعد عِندكْ خبر
ما نالْ في الدنيا أحَدْ ياسَائلي غير الصبور=والدليل إنِّي صِبرتْ .. وكانت أيامي تمر
لا تقـول : الحَلْ إنِّكْ تِلقى لِكْ عاشِقْ غَيور=إنْ حَبِّتِكْ عِينه ترى .. ماحَبِّتِكْ عِين الدهر !!
مِثلِكْ أوَّلْ كان حَالي وضِيقتي ونفس الشعور=كِنت أقول : وش معنى قلبي في مشاريعَه خسر
مادريت إنَّ الغِيابْ أحيَان أفضَلْ مِنْ الحضـور=لِين شِفت "الشمس" تشرق بعد مايغيب القمر
ومادريت إنَّ التواضُع كنز ومَكرُوه الغرور=لِين شِفت إنَّ الغِنى .. في الآخِرَة مِثل الفقر !!
كِنتْ غافِلْ في حياتي وكِنتْ أجْهَلْهَا الأمور=لِينْ ربِّي له هدَاني .. وصِرتْ أدَوِّر لِي أجر
لاتقول : أعيش يُومي دامي في عمر الزهور=ماأنت ضامِنْ عُمركْ الباقي .. وقَطَّافْ الزهَر
قبل لاتبدي الخطِيئة وتبْنِي لِذنوبك جسور=خافْ مِنْ ربِّكْ وفكِّر في وعَد يُوم الحشر
مَهْمَا كِنت إنسَان "راقي" وتعشِق أنواع البخور=التراب اللَّي يضمك بعد مُوتك والقبر !!
ياما قالوا الناس : خايف وقلت : مافيني قصور=بَسْ شِفتْ إنَّ الشَّجَاعَة مَعنى ثاني للخطر
إيه خافْ وكُنْ سَالِم دام هالدنيا بحور=والبحر مهْمَا وفالِكْ طبعَه "غدار" البحر
والشجر إن شفت هامة هذا مِنْ طيب الجذور=يعني أعمالك جذورك هذي هي بالمختصر[/poem]