[poem=font="arial,5,black,bold,italic" bkcolor="transparent" bkimage="" border="outset,10,white" type=1 line=0 align=center use=ex num="0,black""]
جـوني ثـلاثة كـلبوهم مـحبين "=" وكـلن بـنفسه حاجتن ما قضاها
قـلت آمروا قالوا نصيناك عانين "=" وافـزع الـحال اللي حياته شكاها
الاولـى مـجبور في داعج العين"=" لـكنها خـطبت وغـيره خـذاها
قـلت انت حل مصيبتك يامسكين "=" تـصبر الـين النفس تلحق هواها
امـا تـولع في هوى ناس ثانين"=" والا تـسرح ثـم تـسرح معاها
والـثاني الـي عذبه كامل الزين "=" واقفت وراحت مادرى وش بلاها
قلت انت لاتتبع هوى ناس خالين "=" واتـهين نـفسك من سبايب جفاها
نـفس العنا بالك تذلك على الشين "=" خـلك عزيز النفس وأقطع رجاها
والـثالث الـلي ماعرف للمزايين "=" يـبي الـهوى ويخاف من منتهاها
قلت انت بالك تدخل الحب هالحين "=" لـيما هـذيك البنت ابحث خفاها
كـانك لـقيت احباب قلبك حبيبين "=" ادخـل واحـذر لايـصيبك عناها
وكـانك لـقيت انه نوايا شياطين "=" بـالك تـوهق بـالمحبه وشـقاها[/poem]