لا تظنّ القلب مغرم في هواك
عافك الخاطر وقلبي والعيون
ذاك أول كنت في عيني ملاك
كنت أحلى وكنت أغلى يا فتون
كنت حبّي، عمري وروحي فداك
كنت من دوني حياتك وش تكون
أرسمك لوحه جميله من غلاك
وأكتبك في دفتر أشعاري ابفنون
وأرسل اطيوفي عسى تضوي مساك
وابتسامه تبهج الصّدر الحنون
تنظر الشوق افْوسط عيني عساك
تحضن أشواقي ونظرات العيون
ذكريات ٍ حلوه وْمرّه معاك
وللمحبه في فوادك كم لون
كيف تنسى وكيف تهجر من عطاك
من حنايا القلب أبيات وْلحون
لا تحاول تعتذر لي عن خطاك
صعب أغفر ذنب علمني الشجون
شوف غيري منزله من مستواك
لنّي أكبر من هواجيس وْ ظنون
وجيتك اليوم اتّنازل عن هواك
ولو رخصتك عشر مرات ٍ يهون



والله انه طالع من
قــــــــــــــــــــــــلـــــــــــــــــــــب



تحياتي ....