[align=center]توديع الأحباب مثل الموت له سكره[/align][align=center]
ادمى جروحي وشق الصدر منيّـا


والقلب طيّر ضلوع الآدمي وكـره
لا شاقـه الطلـع لاسلـم ولاحيّـا


مصير الأحزان تنساني وتفتكـره
ماكل الأيام بيض وسمحـة محيّـا


قل غيرها ماانت لامجبر ولامكره
لاصار ماهي غلا مابي لك حميّـا


لو في يدي شي ماقلت الوعد بكره
حزمت حدب الضلوع وقلت لك هيّا


لو كل غالي يجي دايم على ذكـره
ماصرت اشوفك هنااك وحبك هنيّا


ياليتني لابغيت اكره قدرت اكـره
ماكان قلبي ليا جيت اكرهك عيّـا


مادامك معيف رح لكن على فكـره
ماقلت لي ليه دمعـك سـال منيّـا[/align]