[align=center]
ليه الدموع وليه كثر الونيني،،،،ليه الغضب ليه العتب والمشاريــــه

ليه الكلام اللي يبيح كنيني،،،شيً يزيد آلام الايـــــــــام ما ابيــــــه

تكفين كفي دمعتك وارحميني,,,قلبي من أسبابك يكفيه مافيـــــــــه

يكفيني اللي بثه البعد فيني,,,بين الرجا والياس وقتي مقضيــــــه

قلبي حزين وحسرتي تكتسيني,,,وش عاد باقي في يديني واسويـه

خليت لجلك كل قاسي يليني،،،صادمت روس لأجلك الموت تشريـه

وان عاش راسي وأسعفتني سنيني،،،لروي ضمى قلبي بقربك واهنيه

ولويزرعون ألغام بينك وبيني،،،نذراً عليه لمشي الدرب واطويـــــــه

وشيل روحي فوق راحة يميني,,,وأبيع عمري لاجل شوفتك وسخيــــه

وأجيك لو دونك سياجاً متيني,,,دامك رجى قــلباً بعطفـــــــك مرضتيــــه

حبك زرعته وسط قلبي وعيني,,,واسقيته بدمعـــــي ودمـــــــي يغذيـــــه



[/align]