فـي غيـابـك جـنـون العاطـفـه هـزنـي
لين صارت ضلوعي في غيابك حطام
لـنـت واعـدتـنـي ولاانـــت ودعـتـنـي
حسرتي رحـت عنـي مابلغـت المـرام
وينـك ارجـع لشوفـك حـيـل شوقتـنـي
لعنبوغيـرك اسـرع لايـمـوت الـغـرام
كـل همـي هـو انـت الغـيـر ماهمـنـي
-بــدل غيـابـك برجـعـه ورد الـســلام
خـل فقـر القلـوب ومـن القـى يمتـلـي
ولايهمـك عــذول قــام يـرمـي كــلام
يـــم ذيـــك اللـيـالـي يـالـغـلا ردنـــي
يوم انا وانـت فـي حجـر الليالـي ننـام
حطنـي بيـن جفنـك والهـدب وانسنـي
خلني لو بغيـت مـن الدهـر الـف عـام
بانتـثـر مــن جنـونـي فـيـك وتلـمـنـي
ودي اروي ظمـا قـلـب كــواه الهـيـام
ظمني زدني اشواااق وغـلاااا ظمنـي
دفـنـي بــرد ليـلـي مـاقـوتـه الـعـظـام
يــم ذيــك السـوالـف هاجـسـك شـــدن
في غيابك غـدت كـل السوالـف حـرام
آاآه ليـتـك سـريـت بلـيـلـك وشفـتـنـي
مـن عذابـي اجـاوب نايحـات الحـمـام
فــي هــواك الـتـوى قلـبـي وذوبتـنـي
وفي بحورك غطس قلب المعنا وهـام
اتمنى ان تنال اعجابكم