منتديات بعد حيي - عرض مشاركة واحدة

06-19-2009, 03:50 PM

[align=right]هكذا بدأت الحكايهـ..
هو: شمالي لازال يناديها بـ (ياهيه) أذا غضب وهي جزء من قلبه ..
هي: أنثى حساسه لازالت لاتتقبل منهـ هذه ال (هيه) على الرغم أنه كل أجزاء قلبها..
أنا : تسرب الشعور لحرفي وتنفس بشعورهما مساحات الخيال لو كان بينهما
ففاضت هذه المتواضعهـ قناعةً بأن المحبوب ليس كـ سواه ..

[/align]
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياأنت ياللي كل ماقلت لي (هيه)=يرجع يرد القلب لبيه لبيه
لبيه يارجفة عظامي من الشوق=ولبيه ياأول حنيني وتاليه
ولبيه ياخفقة خفوقي ليا مر=طيفك على عجلاً وانا قمت اناديه
ولبيه ياصرخة ضلوعي من البرد=(لاغبت عني والوله مد يديه)
ولبيه ياسحراً غشاني ولاعدت=أبصر سواه من المخاليق وارجيه
ولبيه يانبضاً مع الدم موجود=يضخ في شريان صدري ويسقيه
ولبيه ياعشقاً شربته ولازلت=أظما واجوع أن حل بالبال طاريه
ياأنت ياقمة شعوري أذا جيت=بعزف شعوري للقوافي واغنيه
وياأنت يابرستيج ياذوق لاصار=يمك شجي الحرف ناوي تحديه
ياانت ياكلّي و كل شي مني = (يالعمر كله من اوله لين تاليه)
(ياأكسوجيني ياسجين المحاني =بقلبٍ وجودك كنه الروح يحييه)
ياحاجتي يامطمعي ياتفاصيل=أحلام حلمي في حقيقة تمنيه
مادامني من حد ضلعك تكونت=مابيني وبينك عتاب ومشاريه
ولابيننا قصة كرامه أو حدود=وشعورنا واحد لو أحيان نخفيه
يااقرب من الدنيا وأهلها بلا شك=آمر تدلل والخطا لك بمشيه
ماانت بمثل غيرك على شان ماقول=لبيه يااميري أذا قلت لي هيه
قل ماتبي ياهيه ياهنوه وش عاد=القلب قلبك وانت سيده وراعيه
تامر ولك سمعاً وطاعه على طول=ولاعاش من هو قال لك لا أو ليه[/poem]
[align=left]مخرج القناعهـ وإن لم توافقوني !!!
العذب من الأشياء يزيل مرارة ماقبلهـا وكذلك ال ( لبيه) حتما
ستغير هذا الشمالي وتبعثر شعورهـ لينسى هذه ال (هيهـ )....!!!

[/align]
[align=right]

دمتم بود ،،
م/ن

..

[/align]