|
لا تلومني لا قلت بدري وممداك
[poem=font="arial,6,black,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
ليلة عمر أو العمر معـك ليله = مـدري ولكن العمـر مــن فـداياك
الشوق واجد والثواني قليله = لا تلومني لا قلت بدري وممداك
تمضي معك والا بدونك ثقيله = واذا رويتك سمع بعيوني اظماك
دلــة غـرام زعفرانه وهيلــه = وفنجال عشـق يسكبنه شفـايـاك
رمشٍ تغطرس في جفونٍِ تشيله = ورمشٍ تواضع سحر من تحت نجلاك
الموت بعيـونـك ولا فيـه حيله = له حروةٍ ما بيـن هــذا وهـذاك
ياليت حظي معك كمل جميله = وان زاد شوقي لك تجمل بلا ماك
كلن يفز اليا طرى له خليله = وانا افز لشوفتك لاجل طرياك
كلن على ليلاه صـوته يشيله = وانا بدربك شلت همـي بليـلاك
وكلن على همه سرى في سبيله= وانا بصبحك ضعت من قبل مسراك
ابحرت لك ربـان يالمسـتحـيله = حتى لو ان الريح في عكس الأفلاك
ياليل شاعر والزمن هد حيله = يرجي صباحك ثم يصبح بظلماك
الفكر زنده والقصايد فتيله = يافكـرتي شديت قافـي وغنــاك
القلـب راع الأوله والأصـيله = يستاهله مثلك ولا فيه شــرواك
من غيرك الدنيا ترى للي هي له = دنياً بلياها إذا هــي بلــيـاك
والله لو الغايه تبرر وسيله = لا قول علمٍ ياصــلـك ويتـعـداك[/poem]
|