صيف هذا العام اسوأصيـف عشتـه فـي حياتـي

باختصـار اكثـر مــررت بمرحـلـه جــدا حزيـنـه

كنت عايش فـي صـراع كبيـر مـن ذاتـي لذاتـي

كنـت ضايـق واشعـر انـي بعـد ضيقـت المدينـه

كنت اخطط وانتظر صيف السنـه هـذي واحاتـي

لجـل اعيـش اجمـل اجـازة حـب مابينـي وبيـنـه

الحبيـب الـلـي مــن اول كــان اجـمـل ذكريـاتـي

وصـار اسوأذاكـره فـي داخــل اعمـاقـي دفيـنـه

كانـت اشـوى لـو صدمنـي فجـأة بغيـر امنياتـي

ولا امـوت بامنيـاتـي غــدر مــن طعـنـة يميـنـه

ضيـق الدنيـا بعينـي صـدق واحـتـرت بجهـاتـي

كنـت اشبـه مـا اكــون بـحـال قبـطـان السفيـنـة

لا ارتفـع مـوج البحـر والريـح هبـت والتفـاتـي

كـان عـكـس التـجـاه الـلـي يحـسـس بالسكيـنـه

راكبين اثنيـن عـرض البحـر والمركـب مؤاتـي

للـغـرق او واحــد مـنـا يضـحـي عــن ضنـيـنـه

يعـنـي كــان الـحـل واحـــد يامـمـاتـه يامـمـاتـي

الـبـلا فــي نـاتـج الحليـن..امـوت مــن الغبيـنـه

قال:ويـش الحـل؟ قلت:التضحيـه مـن واجباتـي

لازم اضحـي عشـان اعطيـك بعـض الطمأنيـنـه

قال:افـرض خــذاك البـحـر قلت:اعـلـن وفـاتـي

قول:مـات فـلان لجـل اعيـش والمـولـى يعيـنـه

قال:طـيـب لا رحـلـت وشـلـون بتهـنـى مبـاتـي

قلت:فكـر فـي رجوعـي بـس وانطـرنـي لحيـنـه

وانتبـه تنـسـى وتكـفـى كــل شــي الا وصـاتـي

انتـبـه للقـلـب تكـفـى قـال:فــي ايـــدي امـيـنـه

قمـت اودعـه بسكـات ودمعتـي تشـرح سكـاتـي

وماذبحـنـي ضـيـق الا يــوم انــا اقـبـل جبـيـنـه

وارمي نفسـي للبحـر واختـل فـي موجـه ثباتـي

والبحر لبعيـد اخذنـي وصـرت لأمواجـه رهينـه

لـكـن الله مــد فــي عـمـري ونجـانـي بصـلاتـي

مـا وعيـت الا وانـا مابـيـن شــط وبـيـن طيـنـه

والحبيـب اللـي نـجـا مــا كــان متـوقـع نجـاتـي

جيـت مـن بعـد الغيـاب المـر ادور عـن حنيـنـه

مالقيتـه فــي المديـنـه وانشـغـل بـالـي واحـاتـي

ورحت من بـاب انشغالـي اسـأل الجيـران وينـه

قيل:سافـر فـي إجـازة حــب دام الصـيـف آتــي

جـاه غيـرك يـاخـذه مــن قـبـل يومـيـن بيديـنـه

وقتهـا دنـقـت راســي حــزن حسـيـت بشتـاتـي

وقتـهـا حسـيـت نفـسـي طـفـل اهـلــه بايعـيـنـه

وش حصل لابن اللذينا والا انا وش هي سواتي

مـــا تـقــول الا كـأنــي ذابــــح لــــه والـديـنــه

ذا وانـا اللـي لجـل عينـه مـا بخلـت بتضحياتـي

والـقـهـر لابـــارك الله فــيــه مـابـيــن بـعـيـنـه

دام حتى ما حفظ لـي عشرتـي واحسـن جزاتـي

ويـش بأرجـي منـه لابـو عشرتـه لابـو سنيـنـه

كان هذا احساسي اللي دوم اعيشه وسـط ذاتـي

والا انـا ماجيـت بحـر ومانـي قبـطـان السفيـنـه

بس انـا اللـي كنـت اخطـط لجـل احقـق امنياتـي

في اجازة صيف ضاعت غدر مـن طعنـة يمينـه

رحـــت بـيـتـي مـامـعـاي الا اقـلــب ذكـريـاتــي

واقفـل الغـرفـه عـلـي واسـمـع اغـانـي حزيـنـه

لجـل ذلـك كـان هـذا الصيـف الأسوأفـي حياتـي

لجل ذلك كنت اتعس شخص عايش فـي المدينـه



__________________