منتديات بعد حيي - عرض مشاركة واحدة

معرض الوسام · 07-21-2009, 08:06 AM

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,6,red" type=2 line=0 align=center use=ex num="0,black""] قالوا تطـيـع وقـلـت يالـربـع مااطيع=قالوا عـلامـك قلت مافـيـه نوماس
قـالـوا نـبــي زبــدة جـمـيــع المواضيع=قلت المغثه هي سبب كل وسواس
الـصـبـر تـحـت الـضـيـم مابه منافيع=لا راح ليلك تضرب اخماس باسداس
قالوا تغادر قلت بالـدرب مااضـيع=والجدي يكشف دربنا عقب الادماس
شهب المواتر مع طوال الـمـطـاليــع=تطرد عن الخافق ثـمـانـين هوجاس
والله فـلا هـمـي كـنـوز ومـشـاريـع=ولا هي على طيب الاجاويد مقياس
ولا لي على الثروه شفوف ومطاميع=غير الرخى والبعد عن درب الادناس
لا ناضت بروق السحاب اللواميع=وخايلت برقه يرتكز مثل الاقواس
والبدو يـبـدى هـرجـهــا بالـمـراميع=وقاموا يشدون الزوامل بالامراس
تمشي غـنـمـهـم مـع دروب المرايـيـع=والـذود قـدامـه من الحـمر عرماس
لـمـا يـشـوفــون الـفـيــاض الـمناقيع=وتظـهـر على شوف الحـيـى كل الاوناس
وعقبه يـجـي ريـح الـفـيـاض المرابيع=ويفوح ريح العشب مع كل نسناس
وتشـوف بالـقـمــراء فـروخ الجرابـيع=والروض به شيح وبختري وبسباس
وتلقى الـغـنـم بالـريـف كـلـه مضاريع=وربي رزقهم عن طـواريق الافـلاس
وتلـقـى الـعــذارى بالـلـيـالـي مـفـاريـع=لابـانـت الـقـمراء على حمر الاطعاس
ورجـالـهــم وسـط الـمـجالس سواجيع=وطـقــم الــدلال وحــس نـجـرٍ ومحماس
وقـصــايــدٍ راحــت بـوقــت الـمــداريع=ويفـنـون من كـيف العرب عدة اكياس
والـنــوم قــــدام الـبــيـــوت الـمــرافـــيــع=وريــح الـخــزامـا لا تخـالـط بالانـفـاس
ومن قبل نور الشمس قـامـوا مطاويع=من نومـهم من دون ساعات واجراس
مايـزعـجــك كـوره ولا صوت تشجيع=ولا صوت تفحيـط المواتر على الساس
والا الـمـكـايـن فـي شـبــوك الـزواريع=تسهر على راسك مثل ذيب الاخماس
ومافـيــــه فـاتـوره تـشـيــب الـمـراضـيــع=فـي كـهــربٍ سعـره مـثـل غالي الـمـاس
كــم مـرة شـفــت الـنـشـامـى مـصــاريـع=لا جت فـواتـيـره مـثـل بذح الامواس
وهـو واصــلٍ حــده بـكــثــر الـتـقــاطـيـع=الـظـهـر ورمـاح الـقـوايـل عـلـى الراس
والـصـبــح طـرشــه بـالـمـفــالــي مراتـيـع=ريـفٍ غـدى من كل الاعشاب محتاس
مـابــه عــجـــاج ولا غــــبـار وزوابــيــع=ولا كـلـمـةٍ مـن هــرج دابـس ودربـاس
رزق الــذي يـجــري فــروع الـيــنـابـيــع=الـلـي كـتـب رزق الـخـلايـق بقـرطاس
يغـنـيـك عـن رجـوى الـنـفوس الدوانـيـع=الـلــي ملـوا سـجـن الـمداين من الناس
لـو جـبـت عـمـه مـع خـوالــه مـشـافـيـع=مايـمـهـلـك عـن غـرفـة السجـن مرواس
الــرزق لــو يـحــتـــاج لـلــنـــاس تـوقــيــع=ما ياصلك من كـثـر هـرجـات الانجاس
والـلــه جـعــل لـلـخــلــق عـبـره وتشـريـع=واعطى البشر قـيـمـه وتـقـدير واحساس
دايــم عــلــى قــل الـمـعـــيـشــه جـــوازيـع=وحنا السبب نـسـقـي بـعـضـنا من الكاس
مـن طــاب مـنــــا جـــاه كـــذبٍ وتـفـــديـــع=وتـلــقـــاه بـهـــروج الـحــواسـيـــد يـنــــداس
والـلــي غــدوا لـضــروس ربــعــه شـوالـيــع=يـرمـيــهــم الـلــه تـحـت شـلاع الاضـراس
ومـن غــش غـيــره عـنــد الاســوام والبيع=يـرمـيـــــه ربـــي بــــيـــن ظـــالــــم وبـــلاس
والـكذب والـبـــهــــتـــان دايــــم قــواطــيــــع=والـظـــلـــم دوم لـهـاطـل الـمــزن حـــبــاس
والـلــي عـــثـــى بـالـــنـــاس ظـلـــمٍ وتـرويــع =يـلــقـــى نـتــــايـــج كـــل ظـلـــمـــه بـكـــراس [/poem]