منتديات بعد حيي - عرض مشاركة واحدة

معرض الوسام · 08-02-2009, 11:02 PM

[poem=font=",6,orange,bold,normal" bkcolor="black" bkimage="" border="double,4," type=2 line=0 align=center use=ex num="0,black""]

يـاعـين لاتـبـكـيـن محـبـوبٍ جـفـانـي بالرحيل=دام الـمفـارق هو نـصـيـبي فـي حـيـــاتـي كلها
مالي بغرس اهل السعاده لا مبيت ولا مقيل=ولو راح قلبي صـوب بـيـبـان الـفـرح ما دلها
ياويل حالي يوم شفت الردف غطاه الجديل=وعـطـرٍ يفـوح من الجـدايـل كان ساح وفلها
وعينٍ سكنها بين خد الورد والرمش الكحيل=رمشٍ سـطـى بـعـروق روحي في هواه وسلـها
وامسيت مثل اللي ولدها غايبٍ وقتٍ طويل=تسهر عـقـب عـيـنـه تحـت نـار الغـبون وذلها
تاقف بدرب اهل الضـعاين ثم تومي بالشليل=من حين يـظهر ظـل شـمـسه لين يرحل ظلها
ترجي بشيرٍ جاب عـلـمٍ يشـفـي القلب العليل=لاشـك ماجـاهـا الـبـشـيـر الـلــي يـعـالج غـلها
مثل الخلوجٍ اللي يروح اللـيـل تـرزم بالـعويل=شافـت ولـدهـا وسـط ذودٍ مـع عـقـيـدٍ شلـها
قامت تراعي لين غـاب الذود واخـفاه المسيل=وبالـقـيــد لو تـرزم قـبــال الـنــاس مـحـد حـلها
حـالـه مـثـل حـالـي وعـيـنـه مثل عيني بالهميل=مـلــت مـنـــامـه والـمـنــام بـوســط لـيــلــه ملـها
لو نام جفن العين شفت الجـفن سـوا بي جميل=لاشـك ماتـركـــد ظـلــوعٍ هـجــــر خــــلـه تلـها
القلب عيا يرتـضـي بـرمـوش مـحـبـوبه بديل=ولا كل من يـفـزع لـكـبـدي بالـمـظـامي بلها
دام الضماير مع هواء المحبوب لاذعذع تـميل=صعبٍ تقاوم من غزى روح الشقى واحتلها
ياعـيـن قـولـي سـهـر لـيـلي في محـبـتكم دليل=والا انت ياقلب العنى رح للـعـنـود وقل لها
[/poem]