يمر الشعر من فوق الجروح /اسراب تلو اسراب
.............ولاتتحسس جروحي / سوى طرياك يالغالي
احسك ف( الزمان) وف(المكان) وقلبي المرتاب
................... حنينه يشتعل مابين / موالً وموالي
كاني طفل عند الباب / يترقب صرير الباب
............... هله خلوه يبكي للفراق/ ايام وليالي
حبيبي والعتاب/ اللي يسمونه عتاب احباب
......؟....... شكاني والبحر/ هادي وثار الموج للعالي
نسيم الصبح يقرا وجنتينك /صفحتين كتاب
........... ولافيها سوى حمرة خجلك/ وعطر مرسالي
دفا الشمس الحنون يداعبك بالعين والاهداب
.........وطيف المغربيه / ينقسم لك / معطف وشالي
احبك كيف مااحبك ؟ وانا اللي لو لقيت اسباب
........ لحبك / والفرج / كان احتضنت الحب طوالي
اسيّر مركب احلامي / واعز من التراب تراب
.......... تراب ً سارت اقدامك عليه/ وظلّه ظلالي
على حبك / مضت كل السنين / بحزمة الحطّاب
........وانا اشكي حالي/ لحالي /ولايبكي/ سوى حالي
نثرتك بالقصيد وهلت الفرحه بدون حساب
.........وكتبت الشعر/ لاجل الشعر /لكن ماظهر غالي
اعيشك اكبر آيات الوفا / يا أخر الغيّاب
............ولايحلالي / الاشي / يحلالك / ويحلا لي
سنينك طيّبتك ذكراك / لكن جرحها ماطاب
......... وهو يقتات من وجهي/ عيون بدمع همالي
تمرقب فوق صدري/ من عناوين الغلا مرقاب
............ وتلعثم كل منطوق الزمان/ اللي تهيا لي
حقيقة (نعمة النسيان )راسي من جفاها شاب
.......... على كل البشر مرت / ولامرت على بالي
حبيبي والقصايد في غيابك وجهها ماغاب
..........يدوزنها عطش كل السنين /وصوت ترحالي
كانه مانطرق معنى / ولادندن وتر زرياب
........... سوى لرضاك ثم رضاك ياولو لآخر امالي

/
رآآآقت لي