لحظه قبل لا تطلــــب البعد وتغيـــب
وتنهي معايـــــــه مرحله من حياتك
أخذ الهدايـــــــا والصور والمكاتيب
دامي خسرتـــك ما أبي ذكرياتــــك
يمكن يكون فراقــنا رأيٍ مصيـــب
خيره .. كتبـــها الله جتني وجاتـك
مع اني ادري انت ماعنك تجنــيب
كنك موصــيني وقاضب وصاتـــك
رح واترك بقلبي لك أربع معازيب
مـعزتك طــــاريك حبك غلاتــــــك
وإن شفتني أجمع شتاتي ماهوعيب
باكر مع الأيـــــام تجمع شتــــــاتك
وإن شفتني شايل جروحٍ معاطيــب
باكر يصير الجرح أبرز صفاتــك
أكبر مصيبـه في زمان العذاريـب
إنّي أحــــبك وأنت حبــــك لذاتك
الطيب لو إنــــــك تجازيه بالطيب
ماكان تالي الوقـــت هذي سواتك
يا صاحبي لا صرت أغلا الأصاحيب
لا تزعل بكــــيفك وتطلب رضـــاتك
أنا حبيبك مبعد الشــــوح مانـــــيب
من ضيّع جهاته .. يدور جهــــاتك
إن كان ماعديت روس المراقيـــب
ماني كفو أصلاً أنام في عـــــباتك
شفني مقدر عــند عكف الأشانــيب
مانيب من تـــومي عليه بعصـــاتك
رح للفراق إللي تركنا مصــاويب
شمّت اعداتي قبل تشـــمّت أعداتك
الله معك .. رح ويــن ماودك تغيب
هذي حياتك .. وأنت حر بحياتــك
أتمنى أن تروق لكم مثل مارأق لي