بسم الله الرحمن الرحيم




أنا راحل ..

وتارك كل شي

جمعت من ذيك العيون أحلى المعاني

وونيت مع صوت المعاني

وبشويش .. وشوشت الشعور

ريش تبلل .. وأنتفض عصفور

ولما وصلت لكل شي

دريت اني ماوصلت لشي

أخترت أصعب رأي

انا راحل .. وتارك كل شي مني وراي


0 0 0

تعبت

والدنيا عيت تستريح

ياصاحبي

القلب يمكن ينكسر

بس راسي مايطيح

ولو قلت لك اني جريح

اخاف تفهمني خطا

وأخاف تفهمني صحيح

ياصاحبي .. أنا على سكوتي تعلمت

وماندمت

لو طال بي مسراي


0 0 0


الدنيا ماوقفت

مسكين ياقلبي

وهو يلتفت

أقسيت أنا .. وهو يلتفت

الدنيا لاماوقفت

مسكين ياقلبي

أقسيت أنا .. وهو يلتفت


0 0 0


باقي رجوى

تشبه عيون الصغار

باقي لك في القلب نجوى باختصار

باقي كلمة

لصاحب الطرف الكحيل

أنا راجع أقول أني احب

وأبعثر هموم الرحيل



. . . .


طــلال الـرشـيـد -رحمه الله -