في ذمتي ما لي حبايب سواكم
انتوا هنا عمري و سبة شجوني
ودي بوصلكم و أستريح بلقاكم
و في بعدكم الأشواق يا ما أسهروني

+++

في وسط روحي دوم ساكن غلاكم
و في قربكم شفت السعادة بعيوني
تبّسم لي الدنيا ببسمة شفاكم
و أحس نفسي سيدٍ وسط كوني

+++

يتوووه كلي لا غمرني شذاكم
و يرد ذهني عقب فترة جنوني
تدرون بي هايم و لا أقوى جفاكم
تدرون بي عاشق و أنتوا فتوني

+++

حالي شرات الليل مظلم بلاكم
و الليل دون البدر ظلمة و سكوني
أشوفني بموت أتبع خطاكم
صارت حياتي بييدكم صدقوني

+++

في ذمتي مالي حبايب سواكم
انتوا هنا عمري و سبة شجوني