السلام عليكم ورحمة الله وبركاته
راقت لي واقدمها لكم
...............................
قلت العيون السود مـوتٍ هوايـل
قلت العيون النجل ,, قالت عيونـي
قلت السواد اللي على المتن طايـل
قالت جدايل قلت خانـت ظنونـي
كنت أحسبه ليـلٍ طويـلٍ وشايـل
ليلٍ طويلٍ هـاض فينـي شجونـي
والخـد بـراقٍ ولمحـه مخـايـل
والقـد ,, آه القـد كلـه جنـونـي
أسمك وقالت مـن بنـات القبايـل
وعـن ديرتـي بالله لا تسألونـي
وش جايبك للسوق ,, وسط العوايـل
أنا مع اهلي ,, وأنت ,, قلت إرحموني
قالت ,, منين وصحت بالصوت حايل
قالت هـلا ,، لـو كلهـم يسمعونـي
ومالت على حظٍ معـي دوم مايـل
راحت بعيد ,, وصار همي ,, نسوني
قلت العيون الدعج مـوتٍ هوايـل
قالت لي أدري تقصد أنته ,, عيوني