السلام عليكم ورحمة الله وبركاته

الشهر عليكم مباركـ وجعلنا الله من عتقاء النار

واحب اشكر الأخت هايدي على موضيعها المميزه ونشاطها الدائم والملحوظ

واشكرها على الاستضافة

بصراحة اليوم يوم اكثر من عادي (( اكثره نوم ))

اليوم الصباح بعد السحور قعدت اتصفح المنتديات اللي مشترك فيها

وبعدها قعدت اتصفح المواقع اللي تخص التصوير الفوتوغرافي لحد الساعه تقريبا 5 او 6 الصباح ماني متأكد من الوقت

وقبل انام دخلت على موقع المصور الشهير سكوت كيلبي صاحب الكتاب ألاكثر مبيعا في مجال التصوير (( أسرار التصوير الرقمي ))

وبعدها نمت ولا صحيت إلا الساعه 6 المغرب

وقبل الفطور سحبت بعض اكشنات الفوتوشوب الخاصة بالتصوير الفوتوغرافي

وبعدها اذن المغرب وافطرت ورحت اصلي وبعد الصلاة رجعت وفتحت النت وتصفحت شوي المنتديات لحد ما جت طاش ما طاش تابعتها للنهاية وبعد ما انتهت فتحت الفوتوشوب قعدت اعدل على بعض الصور الفوتوغرافية حتى أرفعها للصفحة الخاصة بي والتي بها بعض صوري الفوتوغرافية وعلى أذان العشاء قفلت اللاب توب وطلعت اصلي وبعدها طلعت للاستراحه وقعدت اتقهوى واسولف مع العيال اللي بالاستراحة لحد ما جت باب الحارة تابعتها للنهاية وبعدها لعب طايرة لين الساعه 1.30

ورجعت للبيت

اخذت لي شوّر وريحت شوي

وفتحت بعد حيي

وهذا انا اللحين قاعد اكتب الموضوع

وفاتح منتدى ثاني فيه مسابقة ضوئية تخص رمضان وقاعد

اقرء شروط المسابقة واشوف الجوائز هي محرزه ولا لا

عشان ابدء ارتب افكاري

هذا وسلامتكم وهذا يومي كله من طقطق للسلام عليكم