منتديات بعد حيي - عرض مشاركة واحدة

معرض الوسام · 08-28-2009, 02:17 AM

بسم الله الرحمن الرحيم

بالبدايه أرحب بـ جميع رواد يومياتي
وأسأل الذي جمعنا هُنا أن يجمعنا في جنة الفردوس ..

رآح أبدأ بكتابة يومي من الساعه 12 صباحاً
كنت قبل الـ 12 بساعه نيمه وماقعدت إلا2:30
أخذت لي عشر دقائق أحاول أقاوم النوم والحمد لله قاومت وقمت
وبعده رحت توضيت وشربت لي كلاس عصير كوكتيل
وبعدها صليت القيام وعلى الساعه أربع إلا ربع خلصت صلاة
وبعده رحت للمطبخ ولقيت السحور جايبينه من تحت وكان رز
والحمد لله على النعمه ماتحمل آكل رز بنص هالليالي
وأدور لقيمات أو بيتزا أو حتى سمبوسه ماشاء الله
ماكلين كل شي
~> إني بتسحر وإلا قبل تنكب النعمه وبس ماكول منه شوي..
فقمت وسويت لي شاهي وشربت حليب وأكلت معه بسكويت هلال
وعلى الساعه 4 وعشر أذن الفجر فقمت وصليت وبعده قمت أستغفر
وبعده قريت سورة البقره وبعده في كم ترتيب بالبيت لي فتره مو معجبن
فقمت أحووووووووس لين الساعه 8 أو 8 ونص وبعدين غسلت علشان أتنعنش إلا الآنسه توت تعلن جوعه فقمت وحطيت له كريم كراميل وقمت أوكله وسااااااااااعه تمطمط وتدلع ويالله خلصت وبعده داخت ونامت
وبعده دخلت لبعد حيي بس دقائق ودارت بي الدنيا من التعب فطفيته ونمت تقريباً الساعه 9 ونص وقعدت الساعه 12 إلا عشر دقائق شبعانه نوم
وبقيت فتره ويوم سمعت الأذان قمت وتوضيت وصليت وبعدين قعدت خواتي يصلون وجيت وجلست هون على بعد حيي تقريباً الساعه 1 دخلت
وأطقطق وبعدين فتحت
منتدى ثاني يختص بالرحلات والقنص والآثار ~> أعشق هيك شغلات
وأعجبني كمن موضوع وكان التلفزيون عندي والع وفي محاظره للشيخ الجبيلان قســــــــم انه تحفه هالشيخ واختي عندي متشققه ضحك وآنا أضحك على الأثنين ( ضحكة اختي تقل صفيرة فسحة المدارس هع هع هع )
وعلى الساعه3:30 تقريباُ سكرت الجهاز وقمت ورحت أتمدد شوي
وأطقق بالجوال وجتني كم رساله لكن أحلى وحده بهن هذي
بقولكم مفتطفات منه
هل تريدين أن تحقق أمنيه أوشي ببالك لطلب
نجاح .. توبه .. مال .. زواج .. ولد صالح .. تفريج هم ..
شفاء من أي داء
فقط
( إستغفر الله )
وفي كم قصه مذكورين
القصه حقيقيه
يرويها صاحبها
أنا رجل فقير اشتغلت في عدة أعمال ولكن لم أوفق ثم قدر الله
وسجنت في قضيه سياسيه بالسعوديه وكنت بالسجن جلست 3 شهور
لزمت الإستغفار بشكل قوي بحيث أستغفر باليوم آلاف المرات وعلى الرغم من أن قضيتي خطيره تستلزم السجن سنين ولكن الله فرج عني بعد 87 يوما فقط من سجني ثم رزقني بعد خروجي 60 ألف من أحد المحسنين حيث علم بسوء أحوالي الماديه فاستدعاني من نفسه وأعطاني 30 ألف وبعدها بفتره أعطاني مثلها وقد اشتدت ذهولي مما رايت من عواقب الإستغفار وقد صدق حبيبنا حينما قال ( من لزم الإستغفار جعل الله له من كل هم فرجا ومن كل ضيق مخرجا ورزقه من حيث لايحتسب )

........... \\
ملاحظه
ا لجلسه على النت وانت صائـــــم مهلكه مـــــرــــــــآ

الموهيم يوم سمعت الآذان قمت وصليت وبعده دخلت المطبخ
بشوف الحلوين بدهم مساعده وتبرعت بسواء البيتزا وتذكرت انه عندنا
كرتون برتقال وكيوي وفي آناناس معلب فقلت بسوي بعد سلطه فوآكه
وسميت بالله وبديت أسوي البيتزا وطبعاً الشغل مايخلوا من السوالف
ومن ضمن السوالف كنا نتكلم عن كاتب كلمات انشودة
وقف قبل لاتروح وهو
بندر الخمشي فنشبت بحلق اختي بالتوقعات لأي قبيله ينتمون
~> اللي يعرف الجواب يجاوب ( أستغل الفرص مو )

الموهيم سويت البيتزا وهذي صورته

[BIMG]http://www.b3b7.com/up1/uploads/images/b3b7.com-931604cff6.jpg[/BIMG]

[BIMG]http://www.b3b7.com/up1/uploads/images/b3b7.com-2e204876b8.jpg[/BIMG]

> ترى أقبل المجامله بالطبخ

> فاشله من قلب

وهذي صوره لـلسلطه طبعاً حذفت الكيوي ماني من عشاقه

[BIMG]http://www.b3b7.com/up1/uploads/images/b3b7.com-d4ab9b2250.jpg[/BIMG]

>
وبعد ماخلصنا وجلسنا نستنا الآذان وبعد ماأذن أفطرنا
وطبعا فطوري كوب مي وكوب عصير توت
بس صار لي موقف
حنا فارشين بالمطبخ فرشه صغيره لاننا جربنا الفطور بالصاله والمجلس ماله طعم فصرنا نفطر بالمطبخ الموهيم آنا يوم بغيت أجلس
نزلت نعولي ( الله يكرمكم ) وكانن كعب هع هع على قولة اختي تقل مصريه بهالثوب والنعول الموهيم مافطنت إلا الآنسه توت أخذتهم ولبستهم بالعكس وتمشي وتطقطق اختي صفيرة المدرسه يوم شافته عاكستهن كسرت بخاطره وراحت عنده وقامت تعدلهن وهي تقول قسم انك تشبهين سعاد عبدالله وآنا كنت توي جاغمه جغمه من العصير وضحكت ومابي العصير يطلع وشرقت بغيت أفطس وتجي عندي توت وتسوي حركاااااااااااات خبال قسم ان بطني يوجعن وأكح من الشرقه وبعده جاني عطاس مو طبيعي استمر ساعه وصوت العطسه تسمعه عيده جارتنا
وكل ماعطست توت تزند من الضحك والبلا تضحك وتزيد عطساتي لين هاوشوني قالوا قومي سوي لك بلاء وقفي هالعطسه ولعااااااااااانه بهم قمت أمثل العطاااااااااس هع وبعده تجيني العطسه الصدقيه هع هع
والأخت للحين تضحك
الموهيم يالله قمت صليت ~> كله دمشقه من العطااااااااس
ورجعت مره ثانيه للمطبخ وصوتي رايح وقامت صفيره الفسحه تعلق
وتقوم من الفطور وتمثل وترجع تفطر وآآآنا خلاص انتهيت
ويالله يالله أفطرت فطور خربوطي بعده قمت بجهز لعزيمة عمتي مصممه أحضره لو هلاكنه تعب فشله دائماً يعزموننا ومانجيهم والسبب من قبيله ثانيه ومجتعمهم لكم عليه مايختلطون بالغريب فعلشان هيك مانستانس
إلا إذا كنا لحالنا
وجهزت وبالأخير مارحت لان امي تعبانه وقالت ماكو روحه وقضبت القاااااااااااااااااااااااااااااااااااااااااع وتغمضت على تجهيزااااتي

وبعده أذن العشاء بحدود الساعه 8:30 وقمت
وتجددت للصلاة وصليته مع التروايح بالبيت طبعاً
وخلصت 9:30
وبعده جبت سلطتي وجوالي
وفتحت النت وفتحت على بعد حيي وفتحت بجنبه Word وقعدت أكتب اليوميا ت وآثناء كتابتي جتني هالرساله من جوال فهد المساعد ( مشتركه به )

أنا وهاللي هناك جالس بروحه
أحباب لكن نختلف في المحبه
يحبني عشانه يحب روحه
وأحب أنا روحي عشاني ـاحبه

وقبله رساله من جوال حفر الباطن هع عباطه مسجله به وإلا وش دخلن ههههههههههههههههههههههههههـ

وبعده خلصت يومي

وهذاااااااني نزلته

هايدي ||