يمه عسى ماازعجتك اليوم يمه
احس في صدري عذاب وحريقه
يضمني حزن وانا حيل اضمه
كنه ضناي وشوفته شوف ضيقه
يمه وانا بنتك واذ قلت يمه
شوفي لهمي والمواجع طريقه
ضميني لصدرك ثمانين ضمه
ضمه عشيقن مفارقن عن عشيقه
وكأنك سألتي خاطري ويش همه
بعلمك وابي جواب الحقيقه
ليه ؟؟الزمان اليوم مافيه ذمه
وليه؟؟الطعون اللي بظهري عميقه
وليه؟؟الولد يبوق في بنت عمه
وليه؟؟الرفيق يخون عشرة رفيقه
وليه؟؟انخدع في ناس كانت مهمه
ويوم اكتشفتها وهم ماله حقيقه
وليه؟؟الذي وقت الرخا كان قمه
ووقت الشدايد مالقينا طريقه
وليه؟؟الحسد يمي من عيون عمي
وليه؟؟الخطا لو قلت كلمه رقيقه
ازيد يمه والا كافي مغمه
اشوف عينك من هماها غريقه"
ممآ رآق لي ولآمس آحاسيسي