أقفت وخلتني وحيدٍ وحيران
كيف انكرت كل الوفا والحنيني
***
أشغلني التفكير صـافن وسـرحان
وين الكلام اٍللي بزعمك تبيني
***
رحتي ولا قلتي أنا بخسر إنسان
مبطي بحبـه مخلصٍ لي يبيني
***
المشكله وشلـون ماني بغلطان
يعني كـذا كيفـك خـلاص اتركيني
***
يابنت انامبطي صحيبٍ للأحزان
والهـم خويٍ لي معي من سنيني
***
لاتحسبين الحزن جاني على شان
رحتي لغيري صرت عقبك حزيني
***
لا والذي سواك ماصاب نيشان
فكرك خطـا ماصاب وينك وويني
***
قبلك أناوالهم والحزن جيران
ويمكن معك يقفون عن شوف عيني
***
لاتحسبين القلب فـي يوم ينهان
ولاتحسبين اني اقول ارحميني
***
قلت الكلام وقلت وان قلت وكدان
من قبل ما نسق كلامي رزيني
***
يابنت انا ما يوم أصبحت خوان
ماني ردي كل الوفا محتويني
***
ولا نطقت القول من غير برهان
أنا بدوي يابنت معروف طيني
***
ماعمر انا جازيت بالطيب نكران
وافـي وأصيـل معرب الوالديني
***
كلي شمالي نار ماني بدخان
كلي فخر وأصل الفخـر يبتديني
***
من لابت (الويلان) في كل الاوطان
مرفوع راسـك فوق يابنت فيني
***
لكن شسوي بك ولا فاد الاحسـان
متعودٍ راسـك ينوش البطيني
***
أنسي تناديني أنا أبلم وطرمان
مـا التقيك ان كان ودك تجيني
***
هذاك اول كنت بك حيل فرحان
وودي اشيلك للسماء في يديني
***
هـذاك اول كنت لارحـت عجــلان
يمك واذا شفتك اقول اعذريني
***
اخاف انا طولت كم كنت هيمان
كنتي وكنت وكيف كم تسحريني
***
واليوم انا ابشرك ماني بزعلان
روحـي بعيد ارجـوك لاتذكريني
***
ولاشك انا والله ماني بخسـران
خلاص انا وش عـاد بينك وبيني
***
واللي خلق هالكون ماني بندمان
لا لا يهمك ابعدي واهجريني
*******************
القصيده راقت لي وتم نقلها
ودي ,,,