السلام عليكم ورحمة الله وبركاته
بسم الله الرحمن الرحيم

[poem=font="simplified arabic,6,black,bold,italic" bkcolor="transparent" bkimage="http://www.b3b7.com/vb/mwaextraedit2/backgrounds/25.gif" border="double,4,black" type=1 line=0 align=center use=ex num="0,black""]
ياحدود وبالوفاء مالك حدود = وين أبهرب منك فيني يابعدي
كل ماهب الشعر لك فاح عود = وكل ماجيت أنتهي فيك أبتدي
أنتي أصدق من سكن هذا الجود = و أنتي أغلى من تسبب بجهدي
الليالي يالعيون السود سود = تشبه أحلامً تجيبك و تغدي
القمر والليل و نجومه شهود = أني أسهر فيك حتى بمرقدي
جيت عندي أسأله تبغى ردود = يانظر عيني ترئ طال سهدي
أسألك بالله وش معنى الصمود = لا غدى مي البحر جمر بيدي
و أسألك بالله وش معنى الصدود = لا غدى موتي يساوي مولدي
دام حتى النقص صار اليوم زود = مألومك لا نسيتي موعدي
ياسحابه مزنها دايم يجود = كيف أبأروى والثرى خان بردي
يأول حدود الوفاء و آخر حدود = لو يغيب سهيل وش ذنب الجدي
جيت شاعر ضايقً فيه الوجود = جيت أكحل فيك عيني برمدي
جيت أبأقطف لك من أغصانك ورود = جيت أظلك تحت ظلك و أهتدي
يحرسك ربي من عيون الحسود = ولعي نار بصدري و أرقدي
داخلي صيحه كما صيحة ثمود = ورث من جدي و أبأعطيه ولدي
والله أني ماني أنسانً جحود = لكن همومي حدتني لك حدي
وياحدود المسأله ماهي حدود = البلاء لا ضعتي و أنتي في يدي
[/poem]

للشاعر / منصور بن سعدي الرمالي (( رحمه الله ))