قصيده اعجبتني وحبيت انقلها لكم

لاتنشد اسباب حبّي له .. ما دّري شلون
حبّه جبرني اشوفه غيـر كـل البشـر
سبحان من خالقه يملك جميـع الفنـون
وابسط فنونه يحط القلب فـوق الجمـر
لو قالوا الناس حبّه سبّب الك الجنـون
اقول لجله انا مجنـون طـول الدهـر
من ثقل حبّه احس اوقات جسمي بدون
عقل ومشاعر لو ان الدم منـي قطـر
حبيب قلبي لو اني خنت يبطي يخـون
لو كان قلبي معه قاسي قسـاة الحجـر
هذاك في كل خطـوه لاحقتـه العيـون
تخاف لا تفقده وتمـوت حقـد وقهـر
عواذلي لو عطونـي فيـه مايملكـون
بعيد عن عينهم حتى رشـاش العطـر
لو يطعن القلب وش فيها مدامه يمـون
وان كان وده يزيد اعطيه كـل العمـر
جرحي مدامه من يدينه يخف ويهـون
كل شي سواه ضدي ناطله فـي بحـر
مدامني عاشقه واهل الهـوى يشهـدون
تفداه كل الحروف اللى بوسط السطـر
ماهمني من زعل والصدق ماهم يجيون
{نصه} ومن يزعل ٍ مني يصك بجـدر
مالك جميع الحيّل .. مالك جميع الفنون
ابسط فعوله يحط القلب تحـت الجمـر
لاتنشد اسباب حبّي له .. ما دّري شلون
حبّه جبرني اشوفه غيـر كـل البشـر



اتمنى انها نالت ع اعجابكم
نائبة القمر