[poem=font="simplified arabic,6,white,bold,italic" bkcolor="transparent" bkimage="backgrounds/28.gif" border="outset,7,white" type=1 line=0 align=center use=ex num="0,black""]



لا عاد تنشد ما بـقى عـندي علوم=كل العلوم المبطيات تــخبرها

ما جيتك اشكي ميلة الوقت مـزحوم=نفسي ليا ضــــاق المدى ما اخسرها

ياصاحبي كـنت امـس كنت امس محشوم=واليوم هـج بجيتك واختصرها

خـلــك بعيد ابعد من العـام للــيوم=وادنى مـن احلام النجوم وقمـرها

بعـض الكلام اللي تحليه مسـموم=وما كل كف صافحتك تغـدرها

كـم طــيب ساقـته الاقدار لرخوم=ويا كثر ناس تـنخدع في صورها

والحــر ما يشــــره على خـــنعة البـوم=الله رفـع شانه ووطا قــدرها

لــــــو جــيتني كنك على الوجه ملطوم=بعــض الخطايا عـذرها ما غـفرها

عندي تساوت هـرجة العــذر واللوم=هـذيك ما ابـغاها وذيك احتقرها

زله وعـــدت ما حدتني عــن النوم=مرت سلام وبعد الله كـدرها

انـا اعتبرها كبوة حصان ويقوم=وانت اعــتبرها زي ما تـعتبرها





[/poem]