الا وشقى حالي بديت استرد الاهـ
تشقيت واشقى حالتي شوف حالتها
حكت لي وهي تبكي تقول القهر شفناهـ
تكفكف دموع العين بطراف شيلتها
وقفت اتسائل عن سبب هرجها ومعناهـ
تقول انتهينا والسبب بنت خالتها
صديقة ولكن كنها ابعد عباد الله
لأجل غلطة اسراري علي استغلتها
تكشف هوانا وانكشف كل ماخفيناهـ
ولاعاد باقي غير تالي جمالتها
أنا أرجوك تبعد يا أمل خافقي ومناهـ
تقدر ظروفي دام الاسرار قالتها
تفاجأت قلت أرجوك بعدك ترى ماأقواهـ
غرامي لك اكبر من حيلها ونذالتها
أنا كيف أعيش بدون شوفتك خاف الله
ثواني معك تسوى الحياة ووصلتها
ردت بصوتن لو سمعه الرضيع ابكاهـ
تبي انتظر حتى تجيني رسالتها