يعنـي مفكـر غيابـك راح ينسينـي هـواك
أرجع الله لا يهينـك لا تزيـد الشـوق شـوق


حافظ ٍ رقمـك وعنوانـك وماسكنـي غـلاك
لولا حبك وأحترامك مايعـوق الرجـل عـوق


لولا خوفـي مـن كـلام ٍ ينقلـه هـذا وذاك
كان من مبطي سرقتك سرق لو ماني سـروق


الصبر له حد عندي .. وأنت معطينـي قفـاك
ألحقك لو كان طبعي مانـي للمقفـي لحـوق


أدري أنك غبت عني والهـوى حـره شـواك
الليالي فوق راسك جابت اللـي تحـت فـوق


وأدري أنك قلت في صدرك وفي باطن خفـاك
إني بعتك بالمحبه بيعة السلعـه فـي سـوق


مادريت أن الغصـون اليبّـس تقـاوم جفـاك
ودّعت أخر ورقها .. والحيا وسـط العـروق


طال صيفك مالمحت البرق يلمع فـي سمـاك
الجفا خلاّني أنسـى بـردك ولمـع البـروق


كل ما أذكر يوم قلـت أن العمـر كلـه فـداك
أعترف بأن الزمن مهمـا عطـى لازم يبـوق


وكل ما أذكر ياحبيبي ضحكك ومبسـم شفـاك
لوجميع الناس تضحك ضحكهـم مافيـه ذوق


كبريائك وأتزانـك رغـم تـوّك فـي صبـاك
يعطي لـشكلك مابين الناس شخصيـه تلـوق


من كثر شوقي لشوفك صرت أشكك وش وراك
يمكن مسوّي لقلبـي سحْـر منـه مايفـوق


أرجـع الله لا يهينـك مابقـى غيـر الهـلاك
صبري من دونك كفيل ٍ يضمن لحالي حقـوق


والله أنـك لـو تجينـي ماخسـرت الا جفـاك
الوصل ماهو خساره في حبيب ٍ لـك صـدوق


وكان ناوي بالقطاعه .. روح لكن .. هاك هاك
هاك قلب ٍ لو طعنته .. يـم غيـرك مايتـوق




ممآ رآق لـــي