منتديات بعد حيي - عرض مشاركة واحدة

معرض الوسام · 10-17-2009, 09:48 AM

[poem=font=",6,orange,bold,normal" bkcolor="black" bkimage="" border="double,8," type=2 line=0 align=center use=ex num="0,black""]
راكب اللي لا مشى قـاد الـطـلايع=في دياجـيـر الخــلا توضي شـمـوعه
لا نخـيــتـــه بالـمـواعـر جـاك طـايع=زول ذيبٍ مـهـرفٍ من نار جوعه
واردٍ من مـصـنـعـه ماهـو جـمـايـع=ولانـزل وسط المعارض مثـل نوعه
يطرب اللـي يـنـتـخي يـبـي الـفـزايـع=كان عـزمـه بالوعر ضاعت سنوعه
تحت ذيــبٍ ماوقـف باللـيـل ضايع=وان سـرى بالليل ماترجف ظلوعه
صـوب دارٍ صـيـتـها بالـطـيـب ذايع=لابــةٍ كــل الـــعــرب ذاقـــت نـفــوعه
حـول اجــأ تلـقـى شـريـفـين الطبايع=وسفح سلمى بالندى طالت زروعه
وبالـمـعـارك لـه حـروب ولـه وقـايع=لا غدت صـم الـرمـك تقدح قـمـوعه
الـخـيـــول الـصـــافــنــه جـتـهــم قـلايع=وراكـبــه من طـعـنــهـم فـارق ربـوعه
وبالـرخـى يـزبـن عـلـيـهـم كل جـــايـع=والـعـرب لـبـيـوتـهــم ســارت نـجــوعه
ماتـرد ايـمـــانــهــم شـــح الـبــضـــــايع=والـفـجـيــع بـقــربـنــــا يـركـــد فـجـــوعه
وان غدى التـوحـيد مع شاري وبايع=بالجـبــل كل الـعـرب تـمـشـي بـطــوعه
من مكاتـبـنـا خـذوا كـتـب الـشـرايـع=يـوم ضـاعـت كـتـبـهـم صـرنا دروعه
عندنا كـتـب الـسـلـف فـيـهـا الروايع=وغـرسـة الـتـوحـيـد ماتنـشـف نـبوعه
دون مانـفــعــل بـخـلـق الـلـه فـظـايع=ونـذبـح ضيوف المساجد في ركـوعــه
شـرعـنـــا ماهــو عـمــايــم كـل صــــايع=يـقـتــل الــوغــدان فـي ساعـة هجـوعه
يـزعــم انـــه فـي رضـى الرحـمـن طايع=وهو يريد نـيـاقـــهــم يـرضــع ضــروعه
جـاهـلٍ والـقـلـب لاجـل الـمـال مايع=فـرحـتــه فـي حــرمــةٍ سـالــت دموعه
وان طـمـس تـاريـخـنــا بـعـض الـنزايع=طـمـسـه ابـعــد عـنـدنا من حب كوعه
وهـرجـــة الـتــزيـيـــف مافـيـهـا هــزايـع=وبـوع اهـل حـايل دفـن مـتـره وبوعه
وكـان تـزيـيــف الـحـقـايق صار شـايع=ما يـرد الشـمـس عــن حـــزة طـلـوعه
والجــبــــال الـشــامـخـه تـبــقــى مـنــــايـع=لو يضيق الـدرب ماتـرضـى خـضــوعه
ودون تـاريــخ الـجــــبــل نــاسٍ بـتــــايـع=لـو تـروح قــرون ما بـانـــت صــدوعه
حــافـظـيـنــه بالـحـشـى مـثــل الــودايـع=مـايــــبــون الـمـكـتــبــــه والا فــروعـــه[/poem]