منتديات بعد حيي - عرض مشاركة واحدة

معرض الوسام · 10-19-2009, 11:59 PM

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,4," type=2 line=0 align=center use=ex num="0,black""]

الليل راح وهاجـس الليل ماراح=والسهر عادة من بغى هبـة الريح
عامين جـفني ماغـفى الليل بمراح=ارقـب نجـومٍ مـثـل نـور المصابيح
ربعي كما طيرٍ كفخ صوب ملواح=نـاداه شـيـخٍ من بـعــاد الـمشاويح
والا نجـومٍ خـافـت الفـجـر ينباح=وحانت مساريها وراحت مدابيح
ولا يسـهـر اللي في ليـاليه مرتاح=ولا ذاق طعنات الزمان الذوابيح
ادير فكـري بالخـسـايـر والارباح=مثل السواني في كـفوف الفلاليح
قلبي مثل دلوه مع الـبـيـر لاطـاح=وبالحبل تجـذبها الرجـال المشافيح
مثلي وحيدٍ في عواصيف الارياح=وصـدق الـنـوايـا للـغـلايق مفاتيح
اللي بها فـرق الخـلايـق والارواح=ودمع الفجيعه عن دموع التماسيح
ورجـلٍ بليا عـزم ماحاز الامداح=لاهاب ميقاف الـرجـال الزحـازيح
اللي عن دروب الشديدات ينزاح=مثل الـعـنـود اللي نـهـوده تـفـافـيح
لا ماوطيت الكايـده مثل شولاح=مايرهـبـه بالخـوف حـس النـوابيح
ولا صاح بربوعـه مثل كل صياح=وارسل دموع العين مثل المسابيح
ياما طوى ليل الدجى تقل مساح=مثل الذياب اللي تحـوف السواريح
تشكي لهب جوعٍ غدى تقل قداح=واهل الغنم فيهـم رجـالٍ طحاطيح
واليا قـضـى ليله وفجـر العـرب لاح=من حرقـتـه يقـنـب بروس اللواليح
يمكن مكازي يسـمـع الصوت لاناح=اللي رمى للذيـب جـزل الـمـفـاطيح
ابطى قـنـيـب الـذيب والجوع فضاح=ينـخى على الـفـزعـه وجـوه المفاليح
وحط العشى للذيب والبال منساح=ماهـي هـروج التـسـلـيـه والتـمـازيح
مثل ابن سندا اللي للاثقال نـطـاح=ذابح ذلـولـه قـبـل شـرح وتواضيـح
وفزعـة بني مره مثل فـج الاصباح=والا الـمـزون الـلـي بـروقـه مقاديح
شاف اليتامى ترتـعد مثل الاشباح=والجوع وسـط الكـبـد مثل الزنانيح
وعجـوزهـم ما له عن الجـوع مرواح=ولا لـه مـع الـعـربـان نـاسٍ نواصيح
وساق الذلول لبـيـت الايـتـام ذباح=ما يـمـتـلـك غـيـره ولا له مـصـاليـح
وخـلا اليـتـامى في وناسـات وافراح=مايرتجـي من حـرمـة البـيـت تصريح
الـلـــه يـبـيـحــه عــــد ماطــــار لـفــاح=وفاحـت نواويـر الخـزاما مع الشيح
وارزاقـنـــا مكـتـــوبـةٍ فـوق الالواح=عـنـد الـذي لاجـلـه نـقـيـم الـتـراويح
تاريـخهم يـبـقــى كـمـا الـعـطـر لافاح=حـيـث انـهـــم داوو كـبـود المـجــاريح
واما الذي ياخذ عن الطيب مصفاح=ويـقـعـد مع الـلـي مثل وجهه مكاليح
مايـرتـكـي لـلـي وقـع تحــت الارماح=ويـنذخ على غـيـره بكـثـر التـفاسيح
هذا ومثله يـشـتـكـي نـقـص الاملاح=وزود الردى لو صـار للقلب تشريح
واحذر بنات العـفن لو نورها ضاح=وعرق الردى ماله مع الوقت تصحيح
ومن هان خـاله مرجـعه مثل سداح=والبخـل ماتـمـحـاه شـهــره وتـمـسيح
طـيرٍ تشـوف الجـوع لا فل الاجناح=هـــدات كـــفــه للـحـبــاري سـوامـيــح
ولا يدفـعـه للطيب توضيب واصلاح=ويـفـقـد عـزومه في بـعـاد الصحاصيح
مايـستـحـي لـو قـيـل خـايـب وقـمـاح=وقــدره مع الـوغـدان بـيـن المراجـيح
وهـذا سبـب هـجـسٍ مع الليل ماراح=وكثر الـسـهـر لـلـي بـغـى هـبــة الريح[/poem]