[poem=font="ms sans serif,6,white,bold,normal" bkcolor="transparent" bkimage="backgrounds/22.gif" border="double,4,orange" type=2 line=0 align=center use=ex num="0,black"]
ليه انت لاجيت الزهر ينحني لك=وده يبوسك وان خلا منك ذبلان
ليه انت يسمعك القمر ويحكيلك=وانا ادري انه مشتكى كل حيران
والغيمه اللي بالسما تشتكي لك=تمطر عليك دموعها تقل خلان
وليه انت بيتك دايما ينتمي لك=لاضاعت الانواربيتك بدا وبان
والسكر اللي مالقاله مثيلك=حتى البحر لو تلمسه سكره زان
وليه الجبل لوتصعده ينتخي لك=يمسك يدينك عشق من لمستك لان
والقاع تمشي بك وتفرح بشيلك=تضم اثرك وتنتشي عقب حرمان
تفرح بجياتك وتخشى رحيلك=تنبت بثر رجلك زهورن لها الوان
وليه العداوه بين صبحك وليلك=كلن يبي يرضيك لومانت زعلان
ياللي كثيرك نقطة(ن) من قليلك=لشربك كثر النيل واموت عطشان
وياللي تقل الكيل ويفيض كيلك=اعدل ترى بالعدل ياخلي احسان
وياللي تغطي الشمس خصلة جديلك=حرام ماجا بالحلا مثلك انسان
لاتذبح العاشق من الله ياويلك=ارفق علي من قسوتك مانت خسران
تكفى دخيلك ياحبيبي دخيلك=وش ذنب من حبك تهده بالاحزان [/poem]

الشاعر \\صقرفواز